web counter
LEXO PA REKLAMA!

SHKARKO APP

Aksionet Polici – OSHEE / 13 të arrestuar dhe 14 në kërkim për vjedhje energjie

20 Shtator 2015, 09:28, Aktualitet CNA

Operacionet e përbashkëta mes Policisë së Shtetit dhe OSHEE-së,  për  evidentimin dhe vënien para drejtësisë autorët e vjedhjes së energjisë elektrike dhe për të ndërprerë lidhjet e paligjshme, ka vijuar edhe  këtë javë.

Sipas policisë, kanë qenë 100 grupe të përbashkëta Polici-OSHEE që kanë vepruar në të gjithë vendin gjatë 7 ditëve të fundit.

Ata kanë kontrolluar 5095 raste dhe janë evidentuar 34 raste vjedhjeje energjie elektrike me 35 autorë.

Nga këta janë ndaluar 13 persona në flagrancë dhe janë shpallur në kërkim 14 të tjerë, ndërsa 8 të tjerët ndiqen penalisht në gjendje të lirë.

Janë ndërprerë 1821 lidhje të abonentëve debitorë dhe 34 lidhje të paligjshme.

Veç abonentëve individë të ndjekur penalisht, këtë javë janë proceduar dhe arrestuar edhe 6 punonjës të vetë OSHEE-së, si dhe janë kontrolluar 120 kabina elektrike për lidhje të paligjshme.





Lajmet e fundit nga