web counter
LEXO PA REKLAMA!

SHKARKO APP

E fundit!

x

Apeli shpëton Kostandin Xhuvanin nga burgimi i përjetshëm

18 Shtator 2015, 13:05, Kronika CNA

Gjykata e Apelit në Tiranë lë në fuqi vendimin e shkallës së parë për Kostandin Xhuvanin, djalin e ish- deputetes socialiste Luiza Xhuvani autor i vrasjes së katër prsonave në një lokal në ?Rrugën e Elbasanit. Me këtë vendim të konfirmuar sot në Apel, Xhuvani do të vuajë përfundimisht 35 vite burg, duke shpëtuar kështu nga burgimi i përjetshëm. Apelimi i vendimit ishte kërkuar nga prokuroria, e cila kërkonte të mos pranohej gjykimi i shkurtuar në mënyrë që i pandehuri të dënohej me burgim të përjetshëm. Por edhe mbrojtja pretendoi ulje të dënimit me argumentin se vrasja kishte ndodhur në kushtet e tronditjes së rëndë psikike. Ngjarja ndodhi më 4 nëntor të vitit 2014, ku Kostandin Xhuvani, i biri i regjisorit Gjergji Xhuvanit dhe aktores dhe njëkohësisht ish-deputetes Luiza Xhuvanit, vrau me armë shokun e tij Arbër Demiraj, si dhe Edison Jahon, Enea Xhajin dhe shtetasin italian Giampaolo Azzolo. Kostandin Xhuvani u mundua të largohej nga vendi i ngjarjes, duke bërë edhe kundërshtim me armë ndaj forcave të policisë. Vrasja tronditi opinionin publik, çka do të sillte edhe dorëheqjen nga posti i deputetes së Luiza Xhuvanit.





Lajmet e fundit nga