web counter
LEXO PA REKLAMA!

SHKARKO APP

App Store
Google Play

E fundit!

x

Sekuestroi ish- të dashurën, kapet pas 15 ditësh i riu në Tiranë

14 Shtator 2015, 14:15, Kronika CNA

Një 23-vjeçar nga Tiranë ka rrëmbyer dhe ka mbajtur të fshehtë nga familjarët mbi 24 orë, ish- të dashurën e tij. Sipas burimeve nga policia për Noa.al, mësohet se dy të rinjtë kishin pasur një lidhje dashurie me njëri-tjetrin, por Jurgen Mëziri mësohet se e keqtrajtonte 22-vjeçaren, E.Sh., dhe ky thuhet se ka qenë shkaku i ndarjes së tyre. Burime nga Policia e Tiranës thonë për Noa.al se vajza, me banim në kryeqytet ka qenë e ulur në një lokal në momentin kur djali e ka marrë. Ai ka përfituar nga rasti që në momentin e daljes nga lokali ajo ka qenë vetëm duke e rrëmbyer në makinën e tij. Mësohet se ai e ka mbajtur më shumë se 24 orë ish të dashurën larg nga familja e saj. Ai mësohet ta ketë çuar atë në disa hotele të Tiranës, por nuk dihet nëse ai e ka dhunuar të renë. Pas më shumë se një dite vajza është kthyet në shtëpi dhe ja ka treguar gjithçka i ka ndodhur familjarëve të saj. Nëna e vajzës, B.Sh., nuk e ka duruar dot atë që i ka ndodhur se bijës dhe është drejtuar menjëherë në polici ku ka bërë kallzim ndaj Jurgen Mëziri. ?Më datë 26.08.2015, shtetasja B.Sh, ka bërë kallëzimin se Jurgen Mëziri i ka marrë me dhunë vajzën e saj shtetasen E.Sh, 22 vjeç?,- thuhet në deklaratën e policisë. Policia e ka shpallur në kërkim Mëzirin që kur nëna e së resë (më datë 26 gusht) bëri kallëzimin, por arriti ta vinte në pranga vetëm në datë 11 shtator, më shumë se 15 ditë më vonë.





Lajmet e fundit nga