web counter
LEXO PA REKLAMA!

SHKARKO APP

App Store
Google Play

E fundit!

x

Azilkërkuesit shqiptarë në Gjermani, për herë të parë ulet numri i kërkesave

27 Gusht 2015, 16:45, Kronika CNA

Numri i azilkërkuesve shqiptarë në Gjermani për herë të parë është në ulje. Sipas gazetës gjermane ?Nürenberger Nachrichten? në 3 javët e para të muajt gusht ka patur rreth 2000 aplikime për azil, krahasuar me 4300 kërkesa me të njëjtën periudhë para një muaj.

Rënia e numrit të azilkërkuesve pason një fushatë të nisur nga Zyra Federale për Migrim dhe Refugjatët, që për here të parë po nxjerr efektet pozitive në uljen e numrit të azilkërkuesit nga Shqipëria. Muajin e kaluar plot 5932 shtetas u larguan nga Shqipëria për të aplikuar për azil në Gjermani, krahasuar më 4922 në muajn maj dhe 4794 në muajn prill.

Sipas Mehmet Ata, zëdhënës i Zyrës Federale për Migracion dhe Refugjatët, arsyeja e rënies të kërkesave për azil janë procedurat më të shpejta, deportimet e detyrushme, ndalimet për ri-hyrjet në Bashkimin Europian dhe fushata ndërgjegjësimi e Gjermanisë në Shqipëri.

Për pavarësisht uljes së numrit të azilkërkuesve, numri i shqiptarëve që kërkojnë azil në Gjermani mbetet i lartë. Ministri gjerman Thomas de Maizière po vazhdon linjën e tij të fortë ndaj azilkërkuesve që nisen nga Shqipëria. De Maizière kërkoi dje një ndyrshim në ligj, për të depërtuar më shpejt në vendet e origjinës azilkërkuesit që nuk pranohen në Gjermani.





Lajmet e fundit nga