web counter
LEXO PA REKLAMA!

SHKARKO APP

App Store
Google Play

Zëdhënësi i Qeverisë sqaron kompetencat e Asociacionit

26 Gusht 2015, 16:25, Kosova & Bota CNA

Në një postim në Facebook, Abrashi ka sqaruar kompetencat e asamblesë së asociacionit, statutin dhe kompoenta të tjera të marrëveshjeve të arritura dje në Bruksel, me Serbinë.

Ky është shkrimi i tij i plotë:

Përmes krijimit të panikës dhe frikës, synohet hutimi dhe manipulimi i qytetarëve të vendit. Edhe pse çdo gjë ra nën hijen e Asociacionit, dje kemi hapur rrugën e kodit telefonik, filluam integrimin e rrjetit elektrik në veri dhe largimin e barikadës mbi urën e Ibrit.

Dy fjalë për Asociacionin.

Asambleja e Asociacionit nuk zgjedhet, por përbëhet nga asambleistë të deleguar të Kuvendeve Komunale. Asambleistët e komunave me shumicë serbe zgjedhen në të njëjtën kohë sikurse edhe asambleistët e komunave tjera të Kosovës, me një fjalë sipas ligjeve të Kosovës. Pra është shumë e qartë që Kosova ka vetëm një Kuvend dhe jo dy.

Statuti i Asociacionit tek duhet draftuar dhe ai nuk mund të hyjë në fuqi pa miratimin e qeverisë së Kosovës dhe pa e dhënë dritën e gjelbër Gjykata Kushtetuese e Kosovës. Secili veprim i Asociacionit do të jetë në përputhje me ligjet e Kosovës, pra asociacioni nuk është trup ekzekutiv dhe as ligjvënës, por do të veprojë gjithnjë në përputhje me ligjet e Kosovës. Kjo është në marrëveshje.

Deklaratat se Asociacioni do të kontrollojë e menaxhojë, Trepçën, Minierat e Kishnicës, Banjën e Kllokotit e tjerat, janë vetëm shpifje dhe broçkulla të mendjeve të ngushta!

Kosova nuk ka pse frikohet kur një komuniteti i jep garanca për t?u zhvilluar dhe promovuar të drejtat e veta. Ne nuk duhet të ndjehemi as të kërcënuar as të pasigurt, përkundrazi!





Lajmet e fundit nga