E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Për lumturi në çift

15 Qershor 2015, 09:00, Lifestyle CNA

Lumturia ndërtohet me durim, përpjekje e sakrifica. Si duhet të veproni për ta arritur këtë?

Nga disa studime del se të martuarit jetojnë më gjatë dhe janë më të lumtur se beqarët.

Mirë martesa, po nëse nuk arrihet lumturia? Po nëse bashkëshortët nuk mirëkuptohen me njëri-tjetrin? Mos duhet të shkohet menjëherë në gjykatë për të zgjidhur problemet? Jo, ne duhet të përpiqemi ta ndërtojmë lumturinë me durim, përpjekje të vazhdueshme dhe sakrifica dhe jo ta hedhim menjëherë. Ja si duhet të veproni për ta arritur këtë:

Vlerësojeni bashkëshortin/en tuaj. Bëheni të ndihet i/e vlerësuar dhe respektuar. Jo vetëm femrat, por edhe meshkujt gëzohen kur ndihen të vlerësuar.

Mos e kaloni kufirin e respektit. Veprime dhe sjellje jo të këndshme dhe të turpshme janë si një goditje e fortë për një shtëpi të ndërtuar mirë. Fjalët dhe sjelljet e bukura janë si një lustër që rregullon pjesët e rëna të mureve të shtëpisë.

Sakrifikoni. Sakrifica ndikon në shtimin e burimit të dashurisë dhe fjalë si ?pse duhet të sakrifikoj, ç?më duhet mua?? e thajnë këtë burim.

Mbani përgjegjësitë tuaja. Mos e hidhni të gjithë përgjegjësinë në shpatullat e bashkëshortit/es. Mos harroni se kur të vijë mbrëmja ajo do të fillojë të ankohet dhe shpërthejë sikur të ishte një makinë me frena të prishura. Njohja e përgjegjësive reciproke ndihmon në lehtësimin e barrës së dy bashkëshortëve.

Mos merrni flakë menjëherë. Mos e shkatërroni mbretërinë e shpirtit të bashkëshortes suaj duke u nxehur menjëherë përballë çështjeve të ndryshme. Në vend të mllefit dhe mërisë përpiquni të kapeni te degët e pemës së durimit.

Mos e përdorni fjalën ?sikur?. Nëse fjalët ?sikur të mos isha martuar me ty? i zëvendësoni me ?sa mirë që jam martuar me ty? do të ndikoni në drejtimin e bashkëshortit në anën e duhur. Përndryshe lidhja juaj do të zbehet.

Mendoni pozitivisht dhe përpiquni të jeni gjithnjë optimist. Mos fajësoni palën përballë me fjali si ?ti gjithnjë merresh me punë boshe?. Përdorni fjali si ?mos u shqetëso, rregullohet dhe kjo gjë?.

Silluni me butësi dhe dhembshuri. Dhembshurinë e treguar ndaj fëmijës tregojani dhe bashkëshortes. Bëhuni ajri, uji, dielli i saj. Mos harroni se lulet thahen kur nuk ujiten dhe ajrosen.

Mos ëndërroni shumë, por tregohuni realistë. Të rinjtë presin një lumturi të jashtëzakonshme nga martesa. Por njeriu mund të zhgënjehet duke pritur gjëra të jashtëzakonshme.

Mos u bëni të vështirë. Edhe nëse jeni të vendosur dhe kokëfortë përpiquni ta ndryshoni këtë ves. Fjalët ?ç?të bëj, jam njeri i vështirë, kështu më prano? nuk janë zgjidhje. Nëse gurët kthehen në statuja duke u gdhendur, edhe njeriu mund të kapërcejë disa gjëra, qofshin ato të vështira.