web counter
LEXO PA REKLAMA!

SHKARKO APP

App Store
Google Play

E fundit!

x

Sekreti i fitores

14 Qershor 2015, 16:47, Kuriozitete CNA

Andre Agassi po humbiste keqas. Pas një fillimi karriere të rrufeshëm, gjatë të cilit kishte spikatur për reagimin më të mirë ndaj shërbimeve të kundërshtarit dhe për reflekset më të shpejtë të rrethit tenistik, në fillimin e viteve nëntëdhjetë ai ishte shndërruar në premtimin klasik të përjetshëm: koleksiononte humbje dhe shembej në mënyrë sistematike në ndeshjet finale.

Në mars të vitit 1994, në Key Biscayne në Florida, Agassi humbi kundër një Pete Samprasi të shkatërruar nga një helmim prej ushqimit, që kish pësuar disa minuta përpara se të niste ndeshja. I mërzitur në kulm dhe pa një drejtim, pranoi që të shkojë për darkë me një trainer të ri potencial, një ish tenist stilin e të cilit nuk është se e admironte në mënyrë të veçantë. Brad Gilbert ishte anti-Agassi: një lojtar modest që shpesh herë kishte arritur të fitonte ndeshje në të cilat nuk dukej të kishte as edhe një shans.

Gilbert sapo kishte botuar një libër: ?Winning ugly? (të fitosh duke luajtur keq). Gjatë darkës në Key Biscayne, Agassi i kërkoi atij një gjykim të ekuilibruar e të pangarkuar me pasion për mënyrën e tij të të luajturit tenis. Përse vazhdonte të humbiste kundër tenistëve që ishin më pak të zotë se ai? Gilbert e ritikoi për rendjen e tij të kotë drejt perfeksionit. Në vend që të tentonte për një goditje fituese në çdo pikë, duhej të kufizohej në rikthimin e topit në fushë dhe të priste kundërshtarin që të kryente ai një gabim. Në autobiografinë e tij, ?Open?, Agassi kujton fjalët e Gilbert: ?Miku im, gjithçka është në kokë. Me talentin tënd, nëse fizikisht je në vetëm 50 përqind të formës por në kokë je në 95 përqind të formës, fiton me siguri. Nëse fizikisht je në 95 përqind të formës dhe me kokë je në 50 përqind, atëherë do të humbasësh, humbasësh dhe do të vazhdosh të humbasësh?.

Bota.al





06:58 Kuriozitete

Efekti vapë

Vapa ka pushtuar dhe temperaturat kanë nisur të rriten ndjes...

Lajmet e fundit nga