web counter
LEXO PA REKLAMA!

SHKARKO APP

App Store
Google Play

Brukseli apel për herë të fundit Ramës dhe Bashës për të larguar personat me rekorde kriminale

14 Qershor 2015, 07:28, Politikë CNA

Ndërsa na ndajnë dhe pak ditë nga data e zgjedhjeve, Bashkimi Europian ka artikuluar mesazhin e fundit për kreun e mazhorancës, Edi Rama dhe kreun e opozitës, Lulzim Basha, për kandidatët e inkriminuar. Në një gjatësi vale me Shtetet e Bashkuara të Amerikës, Brukseli u ka bërë thirrje për herë të fundit PD-PS të largojnë kandidatët i inkriminuar, të cilët i kanë futur në listat për zgjedhjet lokale. Zëdhënësja e Komisionit Europian, Maja Koçijançiç, ka deklaruar dje se mazhoranca dhe opozita kanë edhe një mundësi për të përjashtuar kandidatët me rekorde kriminale nga gara e 21 qershorit.

“Me miratimin e ndryshimeve në Kodin Zgjedhor në aspektin e ndarjes së re administrative dhe territoriale të vendit, kuadri i nevojshëm ligjor është vendosur dhe duhet zbatuar plotësisht. Respektimi i parimeve demokratike është pjesë e kriterit të Kopenhagen dhe vlerësohet rregullisht nga Komisioni. Këto zgjedhje lokale janë dhe një mundësi për qeverinë dhe opozitën që të dëshmojnë zotim për trajtimin e çështjes së personave me të dhëna kriminale në postet publike, siç parashikon marrëveshja politike ndërpartiake e Dhjetorit 2014”, tha Koçijançiç.

Ajo theksoi se Brukseli shfaqet më i distancuar ndaj zhvillimeve elektorale në Shqipëri dhe akuzave të ndërsjella mes palëve në kuadër të kësaj beteje, por përsërit të njëjtin mesazh se zgjedhjet lokale të 21 Qershorit duhet të mbahen në përputhje me standardet ndërkombëtare dhe duke ndjekur rekomandimet e OSBE/ODIHR. Kjo është ajo që presim nga institucionet shqiptare dhe partitë politike, në interes të qytetarëve, tha ajo.





Lajmet e fundit nga