web counter
LEXO PA REKLAMA!

SHKARKO APP

App Store
Google Play

E fundit!

x

PDIU i shtohet oreksi, kërkon komisionerët e LSI

9 Qershor 2015, 06:02, Politikë CNA

Partia për Drejtësi Integrim dhe Unitetit përfundimisht nuk do të ketë numërues në zgjedhjet lokale të 21 Qershorit. Kolegji Zgjedhor ka lënë në fuqi, duke e konfirmuar si të ligjshëm, vendimin e Komisionit Qendror të Zgjedhjeve, që i hiqte numëruesit partisë që drejtohet nga Shpëtim Idrizi. Gjykata e zgjedhjeve, ligjërisht i ka dhënë fund këtij debati.

Kalimi i Partisë për Drejtësi Integrim dhe Unitetit nga opozita në kampin e pushtetit, befas u kthye në një shqetësim dhe siklet politik për mazhorancën. Pas rreshtimit në koalicionin e mazhorancës, PDIU nisi t?i shtohej oreksi politik, duke pretenduar për të pasur numërues në zgjedhjet lokale. PDIU kërkoi që të merrte komisionerët dhe numëruesit e Lëvizjes Socialiste për Integrim, e cila në disa zona të vendit, është konfirmuar herë si parti e parë dhe herë si partia e dytë më e madhe në vend.

PDIU me pesë ligjvënës në Parlament pretendoi të merrte numëruesit e LSI, e cila ka 20 deputetë në Parlament. Madje, për këtë pretendim, bëri edhe një luftë të ashpër brenda dhe jashtë Komisionit Qendror të Zgjedhjeve. Ndërsa LSI nuk mbajti asnjë qëndrim për këtë lëvizje provokuese, Partia Socialiste e mbështeti Shpëtim Idrizin në pretendimet e tij. Madje, kryeministri Edi Rama vuri në dispozicion të Shpëtim Idrizit juristët e Partisë Socialiste, për të mbrojtur kauzën e tij në Kolegjin Zgjedhor.





Lajmet e fundit nga