web counter
LEXO PA REKLAMA!

SHKARKO APP

App Store
Google Play

E fundit!

x

Leli: Objekti ynë është të arrijmë të rrisim sigurinë ushqimore

8 Qershor 2015, 14:30, Politikë CNA

Për një zhvillim të qëndrueshëm të bujqësisë, administrata e bashkisë do të organizojë një grup ekspertësh me përvoje për zgjidhjen e problemeve që shqetësojnë zonën rurale.

Kjo politikë vlen edhe për Poron. Objekti yne është të arrijmë të rrisim sigurinë ushqimore nëpërmjet mbështetjes për ngritjen e fermave biologjike si dhe mbështetjen për ato ekzistueset.

Tashmë konsumatori është bërë shumë i ndjeshëm përsa i përket cilësisë së produkteve ushqimore.Prandaj, alternativa më e sigurtë dhe më e mirë është nxitja e prodhimeve organike ose si u themi ndryshe produkteve bio. Janë këto më të kërkuarat sot në treg. Sa më shumë prodhime bio të kemi, aq më shumë do të kemi edhe përfitime ekonomike dhe një aktivitet financiar që e ka të ardhmen e sigurt.

Gjithashtu do të stimulojme edhe përmiresimin e teknologjisë jo vetëm per prodhimin, por edhe për përpunimin e perimeve dhe frutave. Nëse do të kemi një rritje prodhimi, atëherë jo i gjithi mund të ‘absorbohet’ nga tregu, prandaj proçesi i përpunimit të tyre është një komponent i rëndësishëm i sigurimit të të ardhurave më të medha nga bujqësia.

Këto do të jenë linjat e politikës vendore që unë do të ndërmarr që në vitin e parë të punës sime.





Lajmet e fundit nga