E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Intervista flet Bechetti: Me kane kercenuar me vdekje, AGON do vazhdoje betejen

9 Qershor 2015, 21:43, Aktualitet CNA

Pronari i Agon Channel, Francesco Beccheti, ndaj të cilit ka një urdhër arresti nga prokuroria shqiptare, ka folur për herë të parë për pubikun.

Ai ka dhënë një intervistë për për agjencinë italiane ?AdnKronos?.

Beccheti thotë se nuk do të ketë asnjë tërmet për Agon Channel.

Sipas tij, ?ai që ka menduar të na trembë të bëhet gati për rezultatin e kundërt?.

A është ky mandat-arresti një një hakmarrje shqiptare për zërin kritik ndaj qeverisë?

Po. Është një hakmarrje edhe pse Agon nuk bën politikë, por jep vetëm informacion.

-Si i përgjigjeni akuzave për falsifikimin e dokumenteve dhe riciklimin e parave?

Nga dokumentet del që vepra penale e riciklimit të parave ndaj meje bazohet vetëm në një dyshim të lidhur me tre transferta parash, duke u bazuar në letërporositë që i përkasin periudhës rreth 1 vit më parë dhe që nuk kanë marrë asnjë përgjigje, këto elemente në dukje janë të pamjaftueshme për të hapur një hetim e aq më pak akoma për të justifikuar marrjen e një mase sigurie. Në çdo rast unë nuk kam ricikluar kurrë para dhe në çdo moment jam në gjendje të vërtetoj origjinën e ligjshme të fondeve të transferuara në shoqëritë e mia, gjë që, duhet ta kishte bërë gjatë dy viteve hetim prokuroria por mesa duket nuk e ka bërë.

-Përsa i përket akuzës për evazion fiskal për mbi 5 milionë euro hetuesit thonë se kanë përfunduar në shoqëritë e tua në Shqipëri ose kanë përfunduar në llogaritë bankare tuajat.

Shoqëritë e grupit nuk i janë shmangur kurrë taksave, nuk kanë kryer kurrë evazion fiskal. Kalivaç Green ShPK është kredituese ndaj shtetit prej 10 milionë euro, shoqëria ime tjetër i detyrohet tatimeve prej 5 milionë eurosh por sigurisht nuk janë tatimet e shmangura siç më është kundërshtuar.

-Ishte një tërmet për televizionin tuaj….disa nga bashkëpunëtorët tuaj, në fakt disa prej tyre u arrestuan..

Asnjë tërmet për Agon Channel, kush mendon se do të na trembte po merr vetëm rezultatin e kundërt.

-Është përfshirë edhe nëna juaj në këtë çështje..

Nëna ime ka punuar gjithmonë dhe ka mbuluar role operative. Ajo nuk ka të bëjë aspak me këto akuza që i janë atribuar. Nga ana tjetër, kur do që të godasësh ose të bësh keq, goditen gjithmonë njerëzit që ke më përzemër. Në qendër të akuzave është çështja e Centralit Enel. Pasi refuzova një mbi çmim, mbi 50 milionë eurosh u përballa me një rast arbitrazhi që është votuar nga dy gjykatës, njëri prej të cilëve është zv.presidenti i ENEL dhe avokat i përhershëm i proceseve të rëndësishme. Sot shoqëria ku unë jam president merr një sekuestrim mbi të gjitha aksionet e kontrolluara Enel në Holandë dhe mbi huamarrjet përkatëse prej 6.6 miliardë eurosh, nga të cilat Enel bën kujdes për të përmendur në bilancin 2014 të sapo aprovuar. Sapo kam marrë vesh se më 12 qershor 2015 do të zhvillohet seanca përfundimtare e apelit mbi sekuestrimin në fjalë, sigurisht ky manda, arrestrimi tre ditë më përpara të habit pak.

-Hetimi ka të bëjë edhe me Lay-ton?

Jo në mënyrë absolute jo.

-Pasuria e bllokuar do të thotë mbyllje e Agon Channel?

Nuk do të thoja aspak kështu

-Çfarë u vjen tu thuash punonjësve të Agon Channel?

Janë ata që më thanë të ecim përpara me të gjitha forcat.

-Përse ecni me eskortë?

Sepse më kanë kërcënuar me vdekje. 20 vjet më parë në Itali thuajse të gjithë sipërmarrësit lëviznin me makina të blinduara me eskortë.

-Cila do të jetë lëvizja juaj e ardhshme.

Nuk do të doja tua tregoja por sonte do të hap një çështje arbitrazhi ndërkombëtar ndaj qeverisë shqiptare për shkelje të rënda të traktatit bilateral për investimet Itali-Shqipëri.

-Kur mendoni se do të ktheheni në Shqipëri?

Kur të konsiderohem i mirëpritur. Ashtu siç kam qenë për 25 vite me radhë, unë kam qenë aty edhe gjatë luftës, në ndryshim të ndonjë kryeministri apo ministri që lëvizte nëpër Europë.