web counter
LEXO PA REKLAMA!

SHKARKO APP

App Store
Google Play

E fundit!

x

Dako: Hapim 14 shkolla të reja dhe një shkollë për bujqësinë

9 Qershor 2015, 09:13, Politikë CNA

‘Ne do bazohemi tek toka dhe deti jo vetëm në zonën e Katundit të Ri por në të gjitha komunat e Bashkisë së Re për të siguruar rritjen e mirëqënies, zbutjen e varfërisë dhe rritjen e punësimit. Gjatë 20 viteve në zonën tuaj nuk është bërë asgjë për të mbështetur fermerët, prandaj ne do të realizojmë pastrimin total të kanaleve kulluese dhe vaditëse’ kështu deklaroi kandidati i ASHE për bashkinë e Durësit, Vangjush Dako.

Ai shtoi më tej se rezervuari i Tarinit është gati për fermerët në fillimin e vitit të ardhshëm dhe është shumë i rëndësishëm edhe krijimi e inspektoriatit të mbrojtjes së tokave bujqësore, si një strukturë që do të merret me zgjidhjen e mosmarrëveshjeve për problemin e tokave, zhbllokimin e parcelave, dhe piketimin e rrugëve për lehtësimin e punës për fermerët. Modelin e zhvillimit të qytetit të Durrësit do e shtrijmë në tërë zonën rurale, ndërsa fermerët do të orientohen se çfarë është më me leverdi për të kultivuar, duke u orientuar sa më shumë drejt produkteve bio.

‘Për zonën që merret me bujqësi do të jetë në dispozicion një shkollë e re profesionale për bujqësinë, e cila shumë shpejt do të jetë gati së bashku me 14 shkolla të reja me jo më pak se 5000 metra katror sipërfaqe secila. Duke qenë një zonë afër bregdetit zona juaj do të marrë shumë shpejt një zhvillim të madh ekonomik, pasi zona turistike e gjirit të Lalëzit është mjaft e përshtatshme për ndërtimin e resorteve turistike përfundoi Dako.

 





Lajmet e fundit nga