E fundit!

20:02 Aktualitet

FOTOLAJM/ "E vërteta nuk varroset", protestuesit pankarta për Ardit Gjoklajn dhe inceneratorin e Tiranës

Në ditën e nëntë të protestës kundër qeverisë dhe kryemini...

Daçiç: Maqedonia nuk ka të ardhme europiane

6 Qershor 2015, 15:38, Kosova & Bota CNA

?To Be Secure (2BS) Forum?, i cili mbahet në qytetin e Budvës, ishte mundësi që shefi i diplomacisë serbe, njëherësh kryesuesi i OSBE-së, të komentojë në lidhje me çështjet e sigurisë në Evropë. Daçiq vuri në dukje rëndësinë e krijimit të atmosferës pozitive ndërmjet vendeve të rajonit, raporton Anadolu Agency (AA).

Sipas tij, konfliktet aktuale i ngjajnë Luftës së Ftohtë. Ndarja në blloqe, siç shpjegoi ai, u zëvendësua me një lloj tjetër konflikti, ndërsa gjuha e luftës së ftohtë është akoma e pranishme.

?Megjithatë, OSBE-ja është e vetmja organizatë që vepron në Ukrainë. Nuk ka asnjë organizatë ndërkombëtare që vepron në Ukrainë. Kjo na tregon se krizat na vijnë si me rënë prej qiellit. Kjo dëshmon se, kur është fjala për mekanizmat për parashikimin e ngjarjeve, nuk ekziston sinqeriteti i mjaftueshëm në kontekst të paralajmërimit të hershëm për krizat e mundshme që do të na presin. Do ta përmendë një shembull. Para kryesimit të Zvicrës në OSBE, kjo ishte pikërisht Ukraina. Në dhjetor 2013 është zhvilluar Këshilli Ministror i OSBE-së në Kiev. Askush nuk ka përmendur krizën e mundshme në Ukrainë, e cila ka shpërthyer dy muaj pas kësaj?, porositi Daçiq.

Ai foli për kërcënime nga terrorizmi, duke vënë në theks dobësi të mekanizmave që duhet t’i parashikojnë konfliktet.

?Duhet të kalojnë vitet dhe vitet derisa të gjejmë mënyrën përfundimtare të luftës kundër terrorizmit?, ka thënë Daçiq, duke përkujtuar se ?ISIL u themelua në vitin 2005, dhe se tek tani luftojmë kundër tyre”.

Daçiq pyeti në çfarë mënyrë NATO dallon luftëtarët për liri nga terroristët.

?Ku është dallimi midis luftëtarëve për demokraci në të ashtuquajturën ‘Pranverën arabe’, dhe baza për aktivitet terroriste pas kësaj?.

Duke folur për rrugën e Malit të Zi drejt NATO-s, ai tha se e respekton këtë rrugë.

?Unë e respektoj Malin e Zi, ai dëshiron të jetë anëtar i NATO-s dhe duhet të flasë më të mirën për NATO-n, por jo edhe ne. Serbia e dëshiron bashkëpunimin me NATO-n, dhe konsideron se NATO mund të jetë faktor i stabilitetit, veçanërisht në Kosovë dhe Metohi?, ka deklaruar Daçiq.

Ai vuri në dukje se Serbia është e vendosur për neutralitet, por është e gatshme edhe për bashkëpunim me Aleancën në mënyra tjera.

Daçiq ka komentuar edhe situatën në Maqedoni si dhe perspektivën e saj evropiane, duke porositur se për të duhet të flitet me një kujdes të veçantë.

?Dua të ju pyes kur ka zhvilluar BE-ja ndonjë takim me temën e emrit të Maqedonisë? Unë jam takuar me Hashim Thaçin më shumë se 40 herë, dhe kur ka iniciuar dikush që kjo çështje të zgjidhet? Maqedonia nuk ka perspektivë evropiane, mund të jetë më e mirë apo më e keqe, njësoj e ka?, ka thënë Daçiq.

Në Budvë vijon punimet forumi i pestë jubilar ?To Be Secure (2BS)?, i titulluar ?Perspektivat e ardhshme të strukturës së sigurisë globale?. Këtë vit pjesëmarrësit e Forumit diskutojnë kërcënimet më të mëdha të sigurisë ndërkombëtare, integrimin në NATO, si dhe marrëdhëniet midis Rusisë dhe Ukrainës.
Lexo më shumë në: http://www.gazetaexpress.com/lajme/daciq-maqedonia-nuk-ka-te-ardhme-evropiane-106037/?utm_source=referral&utm_medium=web&utm_campaign=copyright