Në ankand McLareni i veçantë

5 Qershor 2015, 09:45, Tech CNA

Adhuruesit e makinave, që kanë xhepa të thellë, do të kenë mundësi ta blejnë një makinë të rrallë McLaren F1, kur të dalë në ankand këtë verë, si pjesë e shitjes së një koleksioni privat të disa prej supermakinave më të mira sportive në botë. Mclareni i vitit 1998, me tri ulëse, është një prej objekteve kryesore të koleksionit ?The Pinnacle Portfolio?, që përbëhet nga më shumë se 20 vetura të pas Luftës së Dytë Botërore dhe në përgjithësi pritet të mblidhen më shumë se 65 milionë dollarë nga shitjet më 13 gusht. McLaren F1 është pjesë e koleksionit më të madh privat, që ka dalë ndonjëherë në ankand.

?Kjo makine është nga koleksioni privat i një zotërie që dëshiron të mbetet anonim. Ai i ka pak më pak se 30 vetura, që ne do t?i shesim në emër të tij dhe dua të them se kjo këtu është në mesin e tri më kryesoreve të koleksionit të tij. Ne presim që kjo veturë të shitet rreth 15 milionë dollarë,? thotë Ian Kelleher, drejtor në ?RM Auctions?.

Koleksioni që përbëhet nga historia 57-vjeçare e automobilave, përbëhet nga disa prej automobilave më të mirë sportiv dhe të garave nga vitet 1950-të dhe 1960-të, duke përfshirë Porshe, Ferrari, Jaguar, Bugati Veyron dhe një Enzo, që i ishte bërë dhuratë papës së ndjerë, Gjon Pali i Dytë. McLareni, që është duke u ekspozuar në selinë e Sotheby?s në Manhattan të New Yorkut, është një prej dy veturave që ishin rikthyer në fabrikë, për t?u përshtatur me specifikat për garën e Le Mans-it.

?Në vitin 1998, McLaren kishte prodhuar 64 vetura dhe pesë prej tyre ishin version LM dhe ky këtu është njëri prej atyre të pesëve. Ai ishte konvertuar nga fabrika, në përputhje me specifikat e LM. LM do të thotë për Le Mans, që do të thotë i dyfishohet fuqia për garë,? shpjegon Kelleher.

Një tjetër aspekt që është unik për McLaren F1 LM është konfigurimi me tri ulëse.

?Ngasësi ulet në mes, kurse pasagjerët ulen në të dyja anët e tij. Kjo sigurisht është diçka që nuk e shihni zakonisht. Por, kjo me të vërtetë e dyfishon trashëgiminë garuese të veturës dhe ua jep ndjesinë sikur jeni i ulur në një makinë të Formulës 1,? tregon Kelleher. Kjo makine ishte blerë në vitin 1998 për 1 milion dollarë.