E fundit!

08:19 Ekonomi

Sektori i peshkimit në rënie/ Prodhimi bie me gati 8% gjatë vitit 2025

Sektori i peshkimit ka shënuar një performancë shqetësuese...

Bojaxhi prezanton programin për Tiranën: Bashkia do të shkëputet nga interesa partiake

27 Maj 2015, 12:55, Politikë CNA

Kandidati i pavarur për bashkinë e Tiranës, Gjergj Bojaxhi prezantoi të mërkurën paradite programin e grupit ?Ne, Tirana? për mirëqeverisjen e qytetit. Në fillim të prezantimit z.Bojaxhi theksoi se megjithë nevojën e madhe për një program teknik për mirëqeverisjen, problem më i madh i Tiranës nuk është teknik, por politik.

Për aq kohë sa partitë e shfrytëzojnë qytetin për interesat e tyre politikë dhe financiarë, problemet do të riprodhohen në pafundësi. Prandaj, bashkë me një program serioz për mirëqeverisjen nevojitet edhe një vullnet i qartë për të luftuar korrupsionin dhe përvetësimin e bashkisë nga politika dhe bizneset që përfitojnë prej saj në kurriz të interesit të qytetarëve. Pa këtë vullnet, ccdo program është thjesht demagogji dhe mashtrim.

Gjatë prezantimit të programit për mirëqeverisjen, Bojaxhi ritheksoi idenë e referendumit si mundësi për t?ua kthyer pushtetin qytetarëve, depolitizimin e bashkisë dhe hapjen e saj ndaj profesionistëve të rinj e të shkolluar, bërjen transparente të punës së bashkisë dhe përmirësimin e të gjithë shërbimeve të saj ndaj qytetarit. Ai theksoi se bashkia do të shkëputet nga interesa partiake.

Nënkryetarët dhe çdo punonjës i saj do të zgjidhet me konkurs të hapur përmes një proçesi publik dhe transparent ndryshen nga çfarë ka ndodhur deri tani. Disa nga pikat që Bojaxhi sygjeroi ishin: – Menaxhim me metodat e korporatave moderne, bazuar në rezultate – Referendum lokal për çështje strategjike – Konsultime publike për çdo ndërtim dhe investim me ndikim në komunitet – Ndërtim i një platforme elektronike publike për raportimin në kohë reale të kontraktave dhe transaksioneve financiare që kryen bashkia – Disiplinim financiar: përmirësim i mbledhjes së të ardhurave, eficcencë e kontroll të shpenzimeve.

? Trajtimi i barabartë para ligjit në mbledhjen e të ardhurave

? Inventarizim i plotë dixhital i të gjitha subjekteve – banorë, biznese, prona ? në bashkëpunim me zyrat e gjendjes civile, administratën tatimore, hipotekën, etj.

? Fondet shtesë do të shkojnë në mënyrë të për shërbime konkrete sociale

? Rritje me 10 përqind e të ardhurave vjetore, që vitin e parë; 40 përqind në vitin e katërt

? Shpenzim 100 përqind i fondeve të mbledhura brënda vitit fiskal

? Trefishimi, brenda vitit të parë, i mbledhjes së taksës mbi pasuritë e patundshme

? Pesëfishim i të ardhurave vjetore nga parkimet publike: përmes reformimit të shërbimit dhe shtimit të vend-parkimeve në zonat qendrore të qytetit

? Zvogëlim me 2 milionë euro i shpenzimeve administrative brenda vitit të parë përmes

? Kontrollit dhe uljes së kostove operative

? Rritjes së numrit të shërbimeve online

? Dixhitalizimit të shërbimeve Pjesë të tjera të programit konkret për shndërrimin e Bashkisë së Tiranës në një model të suksesshëm menaxhimi do prezantohen në ditët në vazhdim të fushatës elektorale.