E fundit!

12:09 Politikë

Projekti i Zvërnecit/ Rama: Ideja që resortet janë vetëm për të pasurit dhe për punonjësit e huaj, nuk ka lidhje me realitetin

Kryeministri Edi Rama në Konferencën e 3-të Kombëtare të A...

Maqedoni, Kuvendi miraton ministrat e rinj dhe me votat e BDI-së

13 Maj 2015, 13:53, Kosova & Bota CNA

Kuvendi i Maqedonisë, me 74 vota për dhe 4 kundër, miratoi emërimin e ministrave të ri, Mitko Çavkov i cili do të udhëheqë me dikasterin e policisë dhe zëvendëson Gordana Jankullovskan, si dhe Vllado Misajllovskin, për ministër të Transportit dhe Lidhjeve, i cili do të zëvendësojë Mile Janakievskin.

Paraprakisht kryeministri Nikolla Gruevski sot në Kuvendin e Maqedonisë në fjalimin e tij para deputetëve, duke folur për ish ministren Jankullovska dhe shefin e policisë sekrete Sasho Mijallkov, tha se bëhet fjalë për persona që kanë shkatërruar grupet kriminale në Maqedoni.

?Ministria e Punëve të Brendshme u bë ankth dhe tmerr për të gjitha grupet kriminale. Veprimi i tyre në këtë drejtim bëri që këta ministra të jenë ?halë në sy? për çdo kriminel, pavarësisht nëse bëhet fjalë për shërbime të brendshme të kolonës së pestë ose shërbime të huaja?, tha Gruevski.

Dorëheqjet pasuan aksionin policor në Kumanovë, që përfundoi me një epilog tragjik, me 22 të vrarë, dhjetëra të plagosur dhe shumë prona të shkatërruara.

Në arsyetimet e dorëheqjeve të ministres së Punëve të Brendshme, Gordana Jankullovska, të ministrit të Transportit dhe Lidhjeve Mile Janakievski dhe drejtorit të drejtorisë për zbulim dhe kundërzbulim, Sasho Mijallkov, si shkas për dorëheqjet nuk përmendet Kumanova, por ajo që njihet si aferë e përgjimeve dhe akuzat e opozitës për veprimtari kriminale.

?Në këto ditë të vështira, kur Maqedonia ndodhet në krizë të thellë politike, vlerësoj se është koha të tërhiqem, me bindjen se dorëheqja ime nga funksioni, ministre e punëve të brendshme do të kontribuojë në kapërcimin e saj?, thotë Jankulovska në arsyetimin me shkrim drejtuar kryeministrit, Nikolla Gruevski.

Tre zyrtarët e dorëhequr ishin më të apostrofuarit në bisedat e publikuara nga kreu i opozitës, Zoran Zaev, për të cilin, dorëheqjet e Jankullovskës, Janakievskit dhe Mijallkovit janë të pamjaftueshme.