Ushqimet që ndihmojnë ose dëmtojnë tiroiden

3 Maj 2015, 22:18, Lifestyle CNA

Tiroidja ka nevojë për jod që të punojë mirë. Shumë njerëz marrin mjaft nga ky element në dietën e tyre, zakonisht përmes kripës së jodizuar. Sigurohuni përmes etiketave që jeni duke përdorur këtë lloj kripe. Kripa e detit dhe kripa e përdorur në ushqimet e paketuara apo të përpunuara, zakonisht nuk janë të jodizuara.

Gjethe Gjelbrit
Spinaqi, marulja dhe zarzavatet e tjera me gjethe, janë burime të mira të magnezit, një mineral që luan një rol të madh në proçeset e trupit. Tiroidja ka nevojë për magnez që të bëjë punën e saj. Lodhja, dhimbja e muskujve dhe ndryshimet në rrahjen e zemrës, mund të jenë shenja që nuk jeni duke marrë atë mjaftueshëm.

Arra
Arrat, bajamet dhe farat e kungullit janë një burim i shkëlqyer i magnezit. Arrat ndihmojnë tiroiden në dy mënyra. Jo vetëm janë një burim i mirë i magnezit, por ato janë gjithashtu të pasura me selen, një mineral tjetër që ndihmon tiroiden.

Ushqim deti
Peshku, karkalecat e detit dhe algat e detit janë burime të mëdha të jodit. Ju duhet jod për një tiroide të shëndetshme, por shmang algat në qoftë se keni hyperthyroidism, pra kur tiroidja prodhon shumë hormon që kontrollon metabolizmin. Alga është e lartë në jod dhe mund t?a bëjë atë më keq.

Lakër jeshile
Mundet që lakra jeshile një super ushqim në të vërtetë të jetë mjaft e dëmshme? Lakra jeshile është një goitrogen – ajo parandalon tiroide të marrë jod mjaftueshëm. Për sa kohë që jeni duke marrë jod mjaftueshëm në dietën tuaj, goitrogenet nuk janë një problem për ju. Por nëse jeni në nivel të ulët me të, lakra jeshile mund të shkaktojë probleme me tiroiden. Lakra, brokoli, lulelakra dhe lakra e brukselit mund të kenë të njëjtin efekt.

Soja
Disa nga kimikatet që gjenden në produkte si qumëshëti i sojës mund të ndërhyjnë në aftësinë e tiroides për të prodhuar hormone, por vetëm në se nuk jeni duke marrë jod mjaftueshëm. Ashtu si me lakrën, nëse nivelet e jodit janë në rregull, ju ndoshta nuk duhet të shqetësoheni për të ngënë sojë. Jodi nga ana e tij lufton efektet e sojës në tiroiden tuaj.

Mish prej organesh
Nëse hani mish të organeve si veshka, zemër apo mëlçi, ju mund të merrni shumë acid lipoik, i cili është një acid yndyror që gjendet në këto dhe disa ushqime të tjera. Por në qoftë se merrni shumë, kjo mund të dëmtojë aktivitetin e tiroides. Acidi Lipoik mund të ketë gjithashtu një efekt mbi ilaçet e tiroides që mund të merrni.

Gluteni dhe tiroidja
Gluteni është një protein i gjetur në grurë, thekër dhe elb. Gluteni mund të dëmtojë zorrët e holla të njerëzve me sëmundje celiake. Ky dëm mund të shkaktojë probleme serioze që lidhen me një rritje të rrezikut të sëmundjes Hashimoto (e cila çon në një tiroide nënaktive) dhe sëmundje Graves (e cila çon në një tiroide tepër aktive). Nëse keni sëmundje celiake, përdorimi i një diete pa gluten, mund të ndihmojë në parandalimin e këtyre sëmundjeve të tiroides.

Ilaçet për tiroide dhe ushqimi
Ushqimet që hani mund të ndikojnë në medikamentet për tiroide. Ato mund të ngadalësojnë shpejtësinë dhe efektivitetin e absorbimit të tyre në trup. Pyesni mjekun ose farmacistin për më shumë informacion.