web counter
LEXO PA REKLAMA!

SHKARKO APP

App Store
Google Play

Shkodër, kandidatja Bazhdari takim me biznesin e vogël

19 Prill 2015, 16:48, Politikë CNA

Kandidatja për kryetare bashkie e Partisë Socialiste, Keti Bazhdari ka zhvilluar ditën e sotme një takim konsultativ me  biznesin e vogël, në kuadër të përgatitjes së platformës elektorale. Bazhdari e hapi takimin duke thënë se ndihet me afër se kushdo tjetër me personat që bëjnë biznes duke kujtuar edhe sakrificat në ngritjen e biznesit të vogël.

Përfaqësues nga tregu, i cili pritet të shembet, pranë stadiumit ?Loro Boriçi?, shfaqën shqetësimin për 300 familjet e tregtarëve që do mbeten pa burime  financiare jetese. Kandidatja për kryetare bashkie i shpjegoi përfaqësuesit të tregut se ishte në dijeni të ngërçit.

?Është një problem shqetësues ky që keni ngritur dhe do duhet që me ju të komunikojmë veçmas pasi me tregjet e veçanta kemi vendosur të realizojmë takime të veçanta . Problematikën tuaj e kemi studiuar me mendimin që duhet gjetur një mjedis për ju sa më larg tregut të shumicës dhe sa më afër qytetarit. Duhet ta studiojmë bashkë në një tjetër takim dhe të biem dakord me transparencë, pasi nuk janë vetëm 300 familje, por më tepër. Të paktën një herë në ditë e mendoj këtë çështje. Investimin e marrim përsipër ne, por duhet më parë të sigurohet mjedisi i saktë?, tha Bazhdari.

 





Lajmet e fundit nga