web counter
LEXO PA REKLAMA!

SHKARKO APP

App Store
Google Play

E fundit!

x

Kush është gjeorgjiano-izraeliti misterioz që bleu 1.4 milionë euro biznesin e Mark Frrokut?

16 Prill 2015, 13:03, Aktualitet CNA

Një nga milionerët më diskrete dhe më të çuditshëm të Rumanisë, gjeorgjiano-izraeliti Amiran Dzanashvili, i arrestuar në Rumani si pjesë e një grupi kriminal që shfrytëzone prostitutat e klasit të parë, ka shpenzuar në Shqipëri një shifër prej më shumë se 1.5 milion euro.Ai e ka investuar këtë shumë në biznesin e basteve sportive dhe më konkretisht në blerjen e aksioneve të deputetit Mark Frroku, në kompaninë ?Xhoi Lloto?.Gazeta ?Shqiptarja.com? ka siguruar kontratat e shitjes së aksioneve nga Mark Frroku tek Amiran Dzanashvili, kontrata këto që tashmë janë administruar si prova nga Prokuroria e Përgjithshme, e cila prej më shumë se një jave ka nisur hetimet ndaj deputetit të PKD Mark Frroku, me qëllim zbardhjen e dyshimeve për akuzën e pastrimit të parave.

Ajo që bie në sy është se që të dy, si shitësi, Mark Frroku dhe blerësi, Amiran Dzanashvili, kanë qënë të implikuar në shfrytëzimin e prostitutave dhe se ka dyshime të forta se paratë e fituara nga ky aktivitet kriminal,janë pastruar në Shqipëri.

Amiran Dzanashvili njihej në Rumani si pronari i disa kazinove, hoteleve luksoze e disa kompanive në Bukuresht.

Ai u bë pjesë e një grupi kriminal që drejtohej nga Sile Camataru, që drejtonte një rrjet prostitucioni.

Aktivitetin, ky rrjet e ushtronte në hotelet dhe kazinotë e Dzanashvilit.

Policia rumune ra në gjurmët e këtij rrjeti kriminal dhe e hetoi për disa muaj.

Në nëntor të 2014 ?ës u arrestuan 23 persoan.

Mes tyre ishte edhe Dzanashvili.





Lajmet e fundit nga