E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Kandidatët e 21 qershorit/ Kaos dhe përplasje në PS

14 Prill 2015, 08:53, Aktualitet CNA

Ndërsa na ndajnë edhe dy muaj nga zgjedhjet vendore, ethet elektorale kanë filluar të shkundin Partinë Socialiste.

Me shumë se ethet dhe bashkimi për të fituar këto zgjedhje, brenda selisë rozë kanë filluar përplasjet për kandidaturat në disa nga bashkitë e vendit.

Edhe pas takimit të zhvilluar nga kryeministri dhe njëherësh kreu i Partisë Socialiste, Edi Rama me deputetët e rretheve, situata nuk është qetësuar dhe përplasjet e kundërshtitë për kandidatët e PS për garën e 21 qershorit vazhdojnë.

Deputetë në 8 qarqe të ndryshme të vendit dolën para mediave për të shpallur kandidaturat për kryetarë bashkish që u vendosën pas takimit me kreun e PS-së, Edi Rama.

Por në këto dalje mungonin një pjesë e mirë deputetësh, të cilët nuk kanë qenë dakord me këto kandidatura, të cilët kanë kundërshtuar dhe debatuar me Ramën në lidhje më emra të përvecaëm por edhe për marrëveshjen që ka lidhur me aleatët pa marrë pëlqimin e bazës.

Kështu, deputeti socialist, Alfred Peza, nuk ishte prezent në shpalljen e kandidaturave.

Peza, ka kundërshtuar dhënien e bashkisë së Peqinit një përfaqësuesi të PDIU.

Një tjetër pakënaqësi me ndarjen e ?tortës? ka ndodhur edhe me bashkinë e Bulqizës, e cila iu dha LSI-së.

Kryetari i kësaj bashkie, Myfit Duriçi e fitoi bindshëm atë, por pritet që Lëvizja Socialiste për Integrim të vendosë kandidaturën e saj, që ende nuk është miratuar.

I pari kandidat që hapi siparin e largimeve nga PS ishte ai i Përmetit. Deputeti i zonës Vladimir Kosta e kundërshtoi publikisht.

Sipas tij, kandidatura për Bashkinë e Përmetit u bë pa miratimin e tij, ndërsa shton se përzgjedhjen e tij e Giberto Jaçes e bënë deputetët Ahmetaj dhe Balla.

?Largohem per shkak te kandidatures se perzgjedhur per Bashkine e Permetit. Kandidatura u be pa miratimin tim, e kundërshtova me fakte para kryeministrit. Deputetët Arben Ahmetaj dhe Taulant Balla vendosën që për Bashkinë e Përmetit të vinin Giberto Jaçen, të cilin e kam denoncuar për shpërdorim detyre?, është shprehur Kosta.

Por vetëm pak ditë nga deklarata e tij, qarkulloi lajmi se deputeti Kosta nuk do të largohej nga PS.

Mesa duket, ka qënë një bisedë telefonike me kryetarin Rama që ka ndyshuar vendimin e tij për largim.

Ndërkohë mësohet se Rama për Përmetin ka vendosur rikandidimin e Gilberto Jaçes.

Pakënaqësi në rradhët e kandidatëve ka edhe për Bashkinë e Tepelenës, ku sipas negociatave të PS-LSI kandidatë për garën e 21 qershorit do te jetë nga rradhët e LSI, Tërmet Peci. Në Tepelenë mediat raportuan përplasje të ashpra Brenda strukturave të Partisë Socialiste, diku u përfol dhe për dhunë.

Konflikte dhe pakënaqësi ka edhe kandidimi nga LSI i pedagoges, Diana Mile për bashkinë e Pogradecit. LSI ka rrëmbyer cdo institucion në këtë qytet dhe tashmë pritet të marrë edhe bashkinë duke i lënë socialistët ?me gisht në gojë?. Mile është kundërshtuar fort nga baza e PS-së e cila ka kërkuar që të ketë kandidatin e saj në këtë qytet por marrëveshja me LSI-në tani është e mbyllur dhe Mile është kandidate zyrtare.

Një Bashki tjetër ku është debatuar fort, është ajo e Sarandës. Deputeti Kokëdhima ka vendosur atje kandidaten e tij të preferuar Floriana Koka, e cila është kundërshtuar ashpër nga strukturat, duke artikuluar se ajo mund të humbe.

Largimi i Stefan Cipës ka sjellë përplasje në bazën dhe qëndrestarët socialistë, të cilët e shikojë si veprim të papërgjegjshëm të deputetit veprimin e tij për të larguar Cipën. Kjo ka sjellë edhe vonesën për konfirmimin zyrtar të kandidatit për këtë Bashki.

Mesa duket, përplasja për zgjedhjet vendore, nuk do jetë vetëm mes dy partive rivale por edhe brenda llojit. Socialistët duket se kanë jo pak problem në strukturat dhe bazën e militantëve, përcarje që mund të cojë ujë në burimin e opozitës e cila shpreson jo pak tek aksidentet elektorale.

Ana Shatraj