8 sulmet kibernetike më të famshme të shekullit XXI

14 Prill 2015, 12:30, Tech CNA

Ndërhyrjet e paligjshme në sistemin e të dhënave ndodhin çdo ditë në vende të ndryshme dhe janë të vështira për tu numëruar të gjitha. Por si mund të përcaktohet nëse një shkelje e tillë është për tu shqetësuar apo jo? Për të krijuar një ide më të qartë ne kemi krijuar një listë me 8 incidentet më të mëdha të këtij shekulli.

1.RSA Security
Hakerat kanë arritur dhe më tej dhe madje kanë arritur të sulmonin një firmë sigurie ku mundën të fitonin akses në të dhënat e 40 milion punonjësve. Impakti që pati ky sulm akoma dhe sot vazhdohet të diskutohet. Kompania deklaroi se ky sulm erdhi si pjesë e një bashkpunimi mes dy grupe hakerash dhe një qeverie e cila akoma nuk dihet se cila.

2. Departamenti i Veterans Affairs
Ky department u bë viktimë e një sulmi hakerash në maj të vitit 2006 i cili pati pasoja të mëdha. Si pasojë e tij u vodhën një databazë emrash kombëtare, numra sigurie dhe data lindjesh të 26.5 milion veteranëve madje dhe punonjësve të personelit ushtarak dhe bashkshorteve të tyre. Interesant është fakti se në qershor të të njëjtit vit një person i panjohur i kthehu këto të dhëna.

3. Sony Playstation Network
Dhe platforma PlayStation e Sony ka një histori të gjatë përsa i përket sulmeve. Në prill të vitit 2011 u hakuan 77 milion llogari në këtë rrjet. Sony raportoi se si pasojë e këtij sulmi shpenzoi disa miliona për tu rikuperuar. Përvec dëmit financiar, PlayStation shfaqej offline për plot një muaj. Ky sulm është cilësuar si më i madhi që i është bërë ndonjëherë një platforme lojrash pasi përvec aksesimit të llogarive, hakerat mundën dhe të rrezikonin të dhënat e kartave të kreditit të 12 milion përdoruesve.

4. Gawker Media
Gawker Media është një kompani analitike e cila bashkvepron me disa nga blogjet më popullorë online. Sulmi ndaj kësaj kompani u krye në dhjetor të vitit 2010 dhe si pasojë e tij u kompromentuan adresat e emailit dhe fjalëkalimet e 1.3 milion komentuesve në sajte si Lifehacker, Gizmodo dhe Jezebel. Përvec kompromentimit hajdutët mundën të zbulonin dhe kodin që Gawker Media përdorte për manaxhimin e të dhënave.

5. Google dhe kompani të tjera në Silicon Valley
Në mesin e vitit 2009, disa nga kompanitë më të njohura në Silicon Valley u bënë pjesë e një sulmi masiv kibernetik. Si pjesë e një procesi spiunazhi, qeveria kineze lancoi një sulm masiv te paprecedent drejt kompanive si Google, Yahoo dhe një sërë kompaniash të tjera me bazë në Silicon Valley. Hakerat kinez shfytëzuan një dobësi në versionin e vjetër të Internet Explorer për të fituar akses në rrjetin e brendshëm të Google. Nuk u mësua ekzaktësisht se cilat të dhëna u kompromtuan.

6. Card Systems Solution
Sulmi ndaj kësaj platforme ndodhi në qershor të vitit 2005. Pasoja e këtij sulmi ishte ekspozimi i 40 milion kartave të kreditit. Ky sistem përfshin të dhënat e kompanive si Visa, MasterCard dhe American Express. Hakerat mundën në hynin në sistem duke përdorur një sulm SQL Trojan dhe duke qënë se të dhënat nuk ishin të enkriptuara hakerat fituan akses në një sasi të madhe të dhënash.

7. Monster.com
Monster.com është një faqe rekrutimi punonjësish online. Në gusht të 2007 kjo faqe u sulmua nga hakerat të cilët mundën të vidhnin informacione konfidenciale të 1.3 milion punëkërkuesve. Për këtë sulm hakerat përdorën kredencialet e Monster WorldWide Inc. dhe dy nga serverat e saj.

8. Shërbimet Kombëtare të Informacionit Fidelity
Një punonjës i FIS vodhi të dhënat e 3.2 milion konsumatorëve ku përfshihen numrat e kartave të kreditit, ata bankarë dhe të dhënat personale. Ai ja shiti këto të dhëna kompanive të tjera por pas sulmit direkt u shkarkua nga puna madje dhe u dënua nga një gjykatë federale. Network World raportoi se ky sulm u zbulua në maj të vitit 2007.