web counter
LEXO PA REKLAMA!

SHKARKO APP

App Store
Google Play

Mos u tregoni kurrë miqve që jeni të lumtur

13 Prill 2015, 13:38, Aktualitet CNA

Sapo je kthyer nga një udhëtim fantastik? Gjete punën që dëshiroje aq shumë? Mezi pret të tregosh se sa mirë shkojnë gjërat me njeriun e zemrës? 

Sipas studimit më të fundit të publikuar nga revista ?Psychological Science?, t?i rrëfesh shokëve të afërt eksperiencat e tua të jashtëzakonshme, mund të prodhojë efektin e kundërt nga ai i dëshiruari. Kjo, për shkak se i bën bashkëbiseduesit të ndihen ?të përjashtuar? nga gjërat pozitive që ndodhin në jetën tënde.

Lumturia është e vërtetë vetëm nëse ndahet me të tjerët, do të shkruante pak përpara vdekjes në ditarin e tij i riu Christopher Johnson McCandless, mbi historinë e të cilit mbështetet filmi ?Into the Wild?.

Shkenca e kundërshton këtë pohim: të ndash lumturinë me të tjerët, sipas saj, nuk është gjithmonë kaq e lehtë.

?Gjithmonë kam pyetur veten nëse episodet e mrekullueshme që mezi presim t?ua tregojmë të tjerëve mund të sjellin më shumë të këqija sesa të mira?, shpjegon autori Gus Cooney, i Universitetit të Harvardit. Eksperimenti i kryer mbi një grup prej 68 vullnetarësh, i mbështet plotësisht të tilla pohime.

?Pjesëmarrësit ishin të bindur se miqtë do të gëzoheshin për eksperiencat e tyre të jashtëzakonshme, por e kishin gabim?, thotë Cooney.

Ndërveprimi, kujton ai, mbështetet gjithmonë tek ngjashmëria e situatave dhe përvojat tepër pozitive thjesht kanë krijuar distancë mes personave që i kanë përjetuar dhe bashkëbiseduesve, duke mbërritur deri aty sa të kompromentojnë edhe raportin mes miqve. TCH 





Lajmet e fundit nga