web counter
LEXO PA REKLAMA!

SHKARKO APP

Krimet e Luftës në Bangladesh/ Ekzekutohet me varje një zyrtar i partisë Jamaat-e-Islami

12 Prill 2015, 06:17, Kosova & Bota CNA

Një zyrtar kryesor nga partia Jamaat-e-Islami (Bashkësia Islame) në Bangladesh është ekzekutuar me pretendimin për krime lufte të kryera gjatë luftës për pavarësi në Bangladesh të vitit 1971, sipas mediave lokale, transmeton Anadolu Agency.

Muhammed Kamaruzzaman, Ndihmës Sekretari i Përgjithshëm i Partisë Jamaat-e-Islami, u ekzekutua me varje të shtunën pas refuzimit të presidentit për t?iu falur atij dënimi me vdekje. Sipas raportimeve të medieve lokale, që iu referohen burimeve të policisë, bëhet e ditur se Kamaruzzaman është ekzekutuar me varje në burgun Qendror në Dhaka, kryeqytetin e Bangladeshit.

Mësohet se disa imazhe televizive nga jashtë ambienteve të burgut kanë treguar një ambulancë teksa ka hyrë në burgun në fjalë për të marrë trupin Kamaruzzaman. Ky i fundit kishte pranuar të dëshmonte për pretendimet e institucioneve gjyqësore për krime lufte, me kushtin që të mos ekzekutohej, por pas një rishqyrtimi, kjo ishte refuzuar nga Gjykata e Lartë duke u lënë në fuqi vendimin për dënimin e tij me vdekje.

 





Lajmet e fundit nga