Pedopornografia online, çfarë është dhe si mund të parandalohet

8 Prill 2015, 18:30, Aktualitet CNA

Përpara se të flasim për pedopornografinë online dhe metodat e parandalimit të saj apo të kontrollit të prindërve mbi fëmijët do shpjegojmë dukurinë më moderne që është bërë tepër shqetësuese vitet e fundit.

Sexting

Transmetimi online nëpërmjet telefonave celularë dhe jo vetëm, i pjesëve Intime personale të zbuluara apo gjysëm të zbuluara parapëlqehet shumë nga adoleshentët në ditët e sotme. Ky fenomen quhet Sexting dhe po përhapet me shpejtësi shumë të madhe në të gjithë botën.

Nga një sondazh i vitit 2013, rezulton se një adoleshent në 4, meshkuj apo femra nga 13 deri në 19 vjeç, shfaqet në version ?natyral? duke prekur limitet e pornografisë. Shkëmbimi i këtyre imazheve, konsiderohet një formë ekzibizionizmi seksual dhe është në rritje, aq sa autoritetet po studjojnë ndonjë mënyre për ta parandaluar. Sigurisht që është tepër e vështirë të flitet për një parandalim duke parë shpejtësine me të cilin ky fenomen po përhapet, por organet përkatëse po punojnë për të gjetur mënyrën më të mirë për të ndërgjegjësuar dhe edukuar të rinjtë sepse është e vetmja mundësi që ky fenomen të zbehet por duhet ti bëhet ballë edhe faktorit ekonomik sepse po ndodh diçka vërtet katastrofike ku adoleshentët po ?shesin? trupin e tyre duke treguar këto imazhe në këmbim të pagesave të ndryshme që fillojnë nga 10 deri në mijëra euro dhe janë një minë gati për të shpërthyer jo vetëm për viktimat por edhe për të gjithë shoqërinë në tërësi pasi shpesh herë pas këtyre pagesave fshihen pedofile të rrezikshëm.

Pedopornografia

Pedopornografia është pornografia (ose më saktë shfaqja e akteve seksuale) në të cilën shfaqen persona ne moshë pre-puberale. Shpeshherë ajo ngaterrohet me pornografinë e të miturve, ose më saktë me materjalet pornografike tek të cilat përfshihen individë që megjithëse nuk e kanë arritur moshën 18 vjeçare, kanë pësuar transformime fizike dhe mendore nga pubertiteti. Ky konfuzion lind pasi ne shumë legjislatura, konsiderohet e paligjshme dhe e denueshme, jo Pedopornografia si e tillë, por më në përgjithësi çdo formë e pornografisë së të miturve, ose më saktë prodhimi, shpërndarja dhe mbajtja e materjaleve pornografike që përfshijnë të miturit.

Kufiri mes reales dhe virtuales është shumë i paqëndrueshëm sa shpesh herë ngatërrohen me njëra tjetrën. Veprime të ndërmara në botën e Web-it, të diskutueshme mbi të gjitha nga pikpamja morale, sociale dhe psikologjike, qe kanë si bazë qënien njerëzore, aq më tepër kur flitet për minorenët, nuk mund të mos kenë dhe interesim penal. Episode pedopornografie në kohët e fundit shfaqen në masë shumë të madhe. Herë nën anomitet, herë nën profile fallco, herë të zbuluara por në rastet më të shumta të pamundura për tu luftuar me metodat aktuale ligjore dhe etike të shoqërise. Ekzistojnë shumë institucione, kryesisht Online, ku mund të denoncohen rastet e Pedopornografise dhe duhet të jetë në kulturën e cilitdo prindëri apo të rrituri për të mos hezituar përpara një sëmundjeje kaq të rrënde dhe kërcënuese të shoqërisë në kohët e sotme. Përvec institucioneve dhe organeve ku ky fenomen duhet denoncuar, nga ana praktike ka metoda shumë efikase për ti mbrojtur të miturit nga kjo dukuri. Filtra të ndryshëm të Instaluar në Kompjuterat personalë familjarë, të cilët bllokojnë faqe të njohura Pornografike dhe Pedopornografike dhe bëjnë të pamundur aksesimin e tyre nga të miturit, janë të domosdoshëm në kohën e sotme dhe megjithëse kanë një kosto ekonomike, duhen marrë parasysh nga ana e prindërve. Një tjetër mënyre parandalimi është edukimi në qëndrat e specializuara si të prindërve ashtu edhe të të miturve pasi shoqëria e sotme ka nevojë të kuptojë se bota e Web-it duhet shfrytëzuar për të mirat e saj dhe duhet të jëni sa më të kujdesshëm për të parandaluar anët negative.

Thanas Dimço