web counter
LEXO PA REKLAMA!

SHKARKO APP

App Store
Google Play

Këshilli i Ministrave/ Ndërtimi i linjës 400 KV Vau i Dejës- Morinë, shpronësohen pronarët

8 Prill 2015, 16:06, Politikë CNA

Në mbledhjen e sotme të Këshillit të Ministrave nën drejtimin e Kryeministrit Edi Rama janë miratuar një sërë ligjesh të cilat pritet të kalojnë nesër në Kuvend.

Gjatë mbledhjes është miratuar plani për luftën kundër trafikimit të mjeteve motorike, ?Miratimi i Planit Kombëtar të Veprimit 2015-2017, ?Për parandalimin dhe luftën kundër trafikimit të mjeteve motorike?, sipas tekstit që i bashkëlidhet këtij vendimi. 2. Ngarkohen Ministria e Punëve të Brendshme, Ministria e Transportit dhe Infrastrukturës dhe Ministria e Financave për zbatimin e këtij vendimi?.

Ndërtimi i linjës 400 KV, Vau i Dejës- Morinë, shpronësohen pronarët me propozimin e ministrit të Energjisë dhe Industrisë, Këshilli i Ministrave u vendos ? Shpronësimi, për interes publik, të pronarëve të pasurive të paluajtshme, pronë private, që preken nga ndërtimi i linjës 400 KV, Vau i Dejës-Morinë, sipas tabelës që i bashkëlidhet këtij vendimi. Shpronësimi të bëhet në favor të Operatorit të Sistemit të Transmetimit, sh.a.

Pronarët e pasurive të paluajtshme, që shpronësohen, të kompensohen në lekë, në vlerë të plotë. Fondi prej 10 095 475 (dhjetë milionë e nëntëdhjetë e pesë mijë e katërqind e shtatëdhjetë e pesë) lekësh të përballohet nga fondet e Operatorit të Sistemit të Transmetimit, sh.a. Shpronësimi të fillojë brenda muajit prill 2015. Zyra Qendrore e Regjistrimit të Pasurive të Paluajtshme dhe zyrat vendore të regjistrimit të pasurive të paluajtshme, Shkodër, Pukë dhe Tropojë, të marrin masat për pezullimin e të gjitha transaksioneve mbi këto pasuri, deri në përfundimin e procesit të kalimit të pronësisë së pasurive të shpronësuara në favor të Operatorit të Sistemit të Transmetimit, sh.a?.





Lajmet e fundit nga