web counter
LEXO PA REKLAMA!

SHKARKO APP

App Store
Google Play

E fundit!

x

Eurozonë, biznesi prek majat

8 Prill 2015, 18:45, Aktualitet CNA

Aktiviteti i biznesit në Eurozonë, gjatë muajit Mars, është rritur me hapin më të shpejtë të 12 muajve të fundit. Konsumatorët duket se kanë shfrytëzuar uljet drastike të cmimeve. Këto të dhëna konfirmojnë edhe njëherë impaktin e programit të lehtësimit sasior në shkallë të gjerë nga ana e Bankës Qendrore Europiane, që ka për qëllim pikërisht të nxisë rritjen dhe normën e inflacionit.
Indeksi PMI, që shihet edhe si indikatori kryesor i rritjes, është fiksuar pranë nivelit të 50 pikëve në 19 vendet e Eurozonës, duke shënuar një përmirësim me 0.7 pikë në krahasim me muajin Shkurt. Të dhënat e këtij indeksi, gjatë tre mujorit të parë të vitit, sinjalizojnë kështu një rritje pranë nivelit të 0.3% gjatë kësaj periudhe. Nga ana tjetër, indeksi i cili mat porositë e reja, është rritur pranë pranë nivelit të 54.1 pikëve, ndryshe nga 52.5 pikë gjatë muajit shkurt. Kjo e dhënë shënon gjithashtu nivelin më të lartë që prej muajit maj të vitit 2011.
Çmimet e konsumit në Eurozonë, gjatë muajit Mars, janë regjistruar sërish në rënie, por më pak të theksuar në krahasim me dy muajt paraardhës. Eurozona duket se po shkëlqen falë sektorit të shërbimeve, që është edhe motori kryesor i rritjes së rajonit, duke marrë përkrahje edhe nga kërkesa e fortë konsumatore. Ekspertët shprehen se projeksionet e rritjes gjatë këtij viti do të rishikohen në territor pozitiv.





Lajmet e fundit nga