web counter
LEXO PA REKLAMA!

SHKARKO APP

App Store
Google Play

Gabimet në dokumentin e Interpolit/ Si ka shpëtuar nga arresti Mark Frroku

31 Mars 2015, 20:16, Aktualitet CNA

Dy gabime të bërë në dokumentin e Interpol-it kanë shpëtuar deputetin Mark Frroku nga arrestimi.

Në urdhër arrestin ndërkombëtar, i  firmosur në 8 Janar të vitit 2015, mbiemri i deputetit është shkruar gabim, nga Frroku është bërë Ffroku (pra dy F ne vend të Rr). Po ashtu mësohet se edhe vendlindja është e gabuar, ku shënohet se ka lindur në Gjakovë të Kosovës.

Këto gabime nga Interpol-i shpjegojnë edhe faktin se përse deputeti Mark Frroku nuk është arrestuar gjatë kohës që ka lëvizur në vendet e zonës Shengen edhe pas datës kur ishte leshuar urdhër arresti ndërkombëtar ndaj tij. Nese ne dokumentin e Interpol nuk do te kishte gabime, me këtë urdhër arresti ndërkombëtar Frroku do të mund të arrestohej në çdo vend të Evropës dhe SHBA-së. Keto dy gabime nga autoritetet belge shmangen identifikimin e Frrokut jashte vendit.

Ky fakt bëhet i ditur nga burime nga Interpoli ndërkombëtar për A1 Report, të cilat saktësuan se është pikërisht kjo datë kur autoritetet belge kanë kërkuar arrestimin e Frrokut në lidhje me akuzat e ngritura nga drejtësia atje, se është përfshirë në vrasjen e shqiptarit Aleksandër Kurti në vitin 1999.

 





Lajmet e fundit nga