web counter
LEXO PA REKLAMA!

SHKARKO APP

App Store
Google Play

SHBA përshëndet vendet e Ballkanit për ligjet kundër ekstremizmit

30 Mars 2015, 16:15, Aktualitet CNA

Samiti i Shtëpisë së Bardhë mbi luftën kundër ekstremizmit të dhunshëm i mbajtur në shkurt në Washington me pjesëmarrje të mbi 60 vendeve, përfshi edhe Kosovën, tashmë po jep rezultate .
Samiti i Shtëpisë së Bardhë mbi luftën kundër ekstremizmit të dhunshëm i mbajtur në shkurt në Washington me pjesëmarrje të mbi 60 vendeve, përfshi edhe Kosovën, tashmë po jep rezultate me ndryshime të ligjeve që luftojnë këtë të keqe globale.

Qeveria Amerikane ka përshëndetur vendet që me ndryshimet në legjislacionin e tyre u ndalojnë shtetasve bashkimin në konflikte të armatosura jashtë territorit të vendit.
?Ne përshëndesim partnerët tanë evropianë, të cilët kanë përmirësuar ose miratuar ligjet e reja për ndjekjen e luftëtarëve të huaj, duke përfshirë më së fundi ndryshimet në kodin penal të Malit të Zi më 18 mars, pastaj ligjin në Kosovë që u nënshkrua më 25 mars dhe reformat e reja në Spanjë të miratuara më 26 mars,? thuhet në një kumtesë të Departmentit Amerikan të Shtetit, bën të ditur RTK.
Më tej në këtë deklaratë thuhet se Shqipëria, Austria, Azerbajxhani, Bosnjë e Hercegovina, Danimarka, Finlanda, Franca, Italia, Letonia, Maqedonia, Portugalia dhe Serbia gjithashtu kanë nënshkruar apo zbatuar legjislacionin mbi luftëtarët e huaj.
?Tani është e paligjshme në të gjithë Ballkanin Perëndimor që të udhëtosh për të luftuar në një konflikt të huaj ose të bësh rekrutimin apo organizimin dhe financimin për pjesëmarrje të qytetarëve në formacione të huaja ushtarake. Këto përpjekje janë një kontribut i rëndësishëm në strategjinë tonë më të gjerë për të zbutur rrjedhën e luftëtarëve të huaj terroristë, siç diskutua në shkurt në nivel ministrash në ëashington,? thuhet në këtë deklaratë.
Kosovën në Samitin e Shtëpisë së Bardhë e përfaqësoi ministri i Brendshëm, Skënder Hyseni.





Lajmet e fundit nga