E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Dieta ushqimore, po aq e rëndësishme për shëndetin mendor sa dhe atë fizik

30 Mars 2015, 15:00, Lifestyle CNA

Shoqata Psikiatrike Amerikane e klasifikon acidin yndyror omega-3 (më së shumti i gjendur tek peshku) Ne e dimë që ushqimi ndikon tek trupi ynë, por a ka një impakt të fuqishëm edhe në mendjen tonë?

Ndërsa roli i dietës dhe lëndëve ushqyese në shëndetin fizik është i pamohueshëm, influenca e faktorëve dietikë në shëndetin mendor është marrë më pak parasysh.

Shoqata Psikiatrike Amerikane e klasifikon acidin yndyror omega-3 (më së shumti i gjendur tek peshku) si një trajtim plotësues për depresionin.

Psikiatrët kohët e fundit kanë nxjerrë studime që përveç mënyrës së jetesës, në shëndetin mendor ndikon edhe ushqimi. Një grup shkencëtarësh nga Shoqata Ndërkombëtare e Kërkimeve Psikiatrike, argumentojnë se dieta ushqimore është po aq e rëndësishme për psikiatrinë sa për kardiologjinë dhe gastro-enterologjinë.

Me rreth 450 mln njerëz në mbarë botën që vuajnë nga çrregullimet mendore, një nga autorët e studimit dr. Drew Ramsey përmend rëndësinë e disa lëndëve ushqyese të caktuara për shëndetin e trurit, përfshi acidin yndyror Omega-3, vitamina D, vitamina B, zinku, hekuri dhe magnezi. Dietat moderne, të dendura në kalori, kanë tendencën të kenë mangësi të këtyre lëndëve të rëndësishme ushqyese, që mund të kontribuojnë në kushtet e shëndetit mendor. Shumë studime kanë lidhur depresionin me sasi të vogla të vitaminës B, ndërsa mungesa e vitaminës D luan rol në zhvillimin e skizofrenisë tek fëmijët.

Në vitin 2011, një studim i bërë arriti në përfundimin se dieta perëndimore (me shumë kalori dhe pak lëndë ushqyese) lidhej me rritjen e ankthit dhe depresionit.

?Ka pasur prova të shumta që përsa i përket shëndetit mendor, ushqimi luan rolin e vet. Ushqimi duhet të jetë linja e parë e mburojës së shëndetit mendor dhe fizik. Ne duhet të jemi më të përkushtuar ndaj ushqimeve që konsumojmë dhe ushtrimeve fizike,? tha dr. Ramsey.

Sigurisht që problemet e shëndetit mendor janë komplekse dhe lidhen me faktorët psikologjikë, biologjikë, emocionalë dhe mjedisorë. Por përmirësimi i dietës ushqimore mund të mbështesë shëndetin neurologjik.