E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Luftëtarët e Shtetit Islamik

29 Mars 2015, 19:39, Kosova & Bota CNA

Gjatë vitit të kaluar, dhjetëra mijëra burra dhe gra nga e gjithë bota kanë udhëtuar drejt Sirisë, Irakut, dhe tashmë drejt Libisë, për t?iu bashkuar radhëve të grupit militant Shteti Islamik. Pasi 11 punonjës mjekësorë u zhvendosën në një zonë të Sirisë të kontrolluar nga Shteti Islamik në mesin e muajit mars, disa analistë thonë se vendosja në plan të parë të të huajve është pjesë e strategjisë afatgjatë të grupimit në përmbushje të motos së tij ?qëndresë dhe zgjerim?.

Pranë kufirit të Turqisë me Sirinë, deputeti i parlamentit turk Mehmet Ali Ediboglu thotë se është në kontakt me familjet e 11 doktorëve dhe studentëve të mjekësisë që janë futur vjedhurazi në territorin e Sirisë të kontrolluar nga Shteti Islamik.

Ai thotë se familjarët, nga Britania, Shtetet e Bashkuara, Sudani dhe Kanadaja, ende shpresojnë që fëmijët e tyre udhëtuan drejt Sirisë për të ndihmuar civilët, dhe jo terroristët.

Por, disa analistë thonë se Shteti Islamik mund të jetë duke rekrutuar doktorë anglisht-folës si pjesë e një plani për të shtuar radhët e luftëtarëve të huaj, të cilët tashmë numërohen në dhjetëra mijëra.

Sameh Seif Elyazal drejton Qendrën Al Gomhouria për Studime Politike dhe të Sigurisë në Egjipt.

?Ndoshta ky është një drejtim i ri që duhet monitoruar me kujdes pasi tashmë ata kanë arritur të tërheqin një kategori të caktuar njerëzish të arsimuar.?

Shumicës së rekrutëve të huaj u janë ?shpëlarë trutë?, me një gërshetim pasioni fetar, injorance, dhe dëshirës për aventura dhe gjak, të motivuar nga fushata rekrutimi online.

Ata që fillimisht tërhiqen dhe pastaj pendohen, nuk lejohet të ndërrojnë mendje, thotë ai, dhe vlerësohet se të paktën 2 mijë rekrutë nga Azia, bota arabe dhe Evropa, janë vrarë. Nëse dëshiron të largohesh…

?Ata të thonë ?jo, nuk ke biletë kthimi; nëse kthehesh, do të të vrasim?. Dhe i kanë vrarë në sytë e të tjerëve, vetëm për të kërcënuar të tjerët që as të mos e mendojnë të kthehen në shtëpi, me përjashtim të rastit kur duan t?u caktojnë një mision.?

Këto ?misione? janë nga më të frikshmet, nëse luftëtarët e Shtetit Islamik do të ktheheshin në vendet e tyre për të kryer sulme terroriste.

Daniel Wagner, i cili drejton firmën e sigurisë Country Risk Solutions në SHBA, thotë se kjo strategji do të ishte pothuajse e pamundur të luftohej nga autoritetet.

?Ç?ndodh në rast se këta individë ndryshojnë pasaportat, dhe identitetin e tyre? Ngrihet problemi i vjetër se shërbimet e sigurisë duhen të jenë 100% të saktë, ndërsa ata që duan të krijojnë kaos u duhet t?ja dalin me sukses vetëm njëherë.?

Ky rrezik bie paksa ndërkohë që të dhënat janë se shumë luftëtarë të huaj humbin jetën shpejt në vijën e parë të frontit ose si autorë sulmesh vetëvrasëse.

Analistë të tjerë thonë se ky rrezik nuk është shfaqur ende dhe se mediat mund të jenë duke e ekzagjeruar.

Ziad Akl është shkencëtar në Qendrën Al-Ahram për Studime Politike dhe Strategjike.

?Ka një lloj paranoje që rrethon gjithë këtë histori. Edhe mënyra se si raportohet për Shtetin Islamik është e parashikueshme. Perceptohet përgjithësisht si një imazh ose parafytyrim. Nuk lidhet me atë ç?ka ata janë realisht, apo me veprimet e tyre.?

Ai thotë se do të ishte më e dobishme të mos përqëndrohemi tek skenarët e fundit të botës, por tek kushtet që i lejojnë Shtetit Islamik të duket tërheqës për rekrutë të rinj. Ai thotë se janë papunësia, hendeku i madh ndërmjet të pasurve dhe varfërve, dhe padrejtësitë e tjera, që ushqejnë ?radikalizmin fanatik?.

Gjithashtu, në vend të parashikimit, do të ishte më e dobishme të mblidhej informacion për mënyrën se si Shteti Islamik lufton tani, dhe jo se si do të luftojë në të ardhmen.

?Rreziku potencial i kthimit të këtyre luftëtarëve të huaj për të kryer sulme në viset e tyre, më duket se është diçka që do të varet nga strategjia e vetë organizatës.?

Strategjitë e përdorura nga Shteti Islamik synojnë të përmbushin qëllimin e tyre kryesor, që është të zgjerojë territorin dhe pushtetin. Por, ai thotë se mënyra e veprimit të grupit, ndryshon nga vendi në vend.