web counter
LEXO PA REKLAMA!

SHKARKO APP

App Store
Google Play

E fundit!

x

Selanik/Lirohen me kusht gardianët grekë që torturuan shqiptarin

27 Mars 2015, 10:30, Kosova & Bota CNA

Gjashtë gardianët që mbaheshin në burg pasi torturuan për vdekje të burgosurin shqiptar, Ilia Kareli janë liruar me kusht.
Vendimi është marrë nga Gjykata e Apelit në Selanik dhe gjashtë gardianët e burgosur në Prillin e vitit të kaluar janë lënë të lirë me kusht që të mos largohen nga Greqia, por të paraqiten në stacionin e policisë në vendin ku ata jetojnë dhe një garanci prej 3 mijë eurosh.

Torturimi dhe vrasja e Ilia Karelit në burgun e Serresit në Greqi ndodhi rreth një vit më parë, ku pamjet e kamerave të burgut tregonin dhunën e ushtruar ndaj të burgosurit shqiptar, i cili gjeti vdekjen si pasojë e plagëve të marra.
Gjithsej ishin 15 gardianët e akuzuar. Gjashtë prej tyre u hetuan në gjendje të lirë në Marsin e vitit të kaluar, ndërsa pjesa tjetër u arrestua.

Në dhunën ndaj 42-vjeçarit shqiptar është përfshirë edhe vetë drejtori i burgut të Nigritas. Pamjet tregonin qartë se drejtori ka qenë në dhomën frigorifer, ku janë ushtruar torturat që i shkaktuan vdekjen e Kudret Kumes (Ilia Karelit).

Ilia Kareli, që në Shqipëri njihej si Kudret Kume pasi ka vrarë një roje të burgut ë Amfisas humbi jetën si rezultat i dhunës së shtruar ndaj tij nga rojet e tjerë të këtij burgu, dhe më pas prej rojeve të burgut të Nigritas, ku u transferua menjëherë pas vrasjes. (INA)





Lajmet e fundit nga