web counter
LEXO PA REKLAMA!

SHKARKO APP

App Store
Google Play

Si u arrestuan Tom Doshi dhe Mark Frroku

26 Mars 2015, 17:51, Aktualitet CNA

Pak orë pasi parlamenti ka votuar kërkesën e Prokurorisë së Përgjithshme për arrestimin e dy deputetëve të akuzuar për ?dëshmi të rreme? në çështjen ku u përfshinë një sërë zyrtarësh së lartë, Prokuroria e Përgjithshme ka nxjerrë një urdhër për ndalimin e Tom Doshit dhe Mark Frrokut. Menjëherë pasi ky urdhër ka shkuar në Drejtorinë e Policisë, kjo e fundit nisur për ta zbatuar atë. Fillimisht ishte deputeti i PDK-së, Mark Frroku, i cili u ndalua për tu shoqëruar në polici. Ai u ndalua në një lokal i cili rezulton në emër të tij. Gjithashtu për disa minuta policia ushtroi kontroll të imtësishëm në banesën e tij.

Pak minuta pas arrestimit të Mark Frrokut, policia veproi me shpejtësi për të shoqëruar në Drejtorinë e Policisë edhe deputetin Tom Doshi. E njëjta procedurë u krye edhe për të, ku për disa minuta u krye një kontroll në banesën e tij.

Avokatët/ Pas ndalimit të deputetit Tom Doshi, ka qenë i menjëhershëm reagimi i avokatëve të tij. Ata kanë deklaruar se ky ndalim është i kundërligjshëm. Avokatët thanë se ndalimi kryhet vetëm kur ka informacion se i akuzuari do të largohet nga vendi ose do ti fshihet hetimeve dhe sipas avokatëve, kjo gjë nuk do ndodhte. Për këtë gjë, nesër do ti kërkohet Gjykatës së Lartë lirimi i tij.

Gjithashtu, avokatët kanë sqaruar se ky nuk është një urdhër arresti por një urdhër ndalimi, pasi urdhrin e arrestit e autorizon Gjykata dhe deri në këtë moment asnjë urdhër i tillë nuk ka dalë nga Gjykata.





Lajmet e fundit nga