E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot në Shqipëri 6 shtetasit e kapur ...

Si të përgatiteni për një ditë stresuese!

23 Mars 2015, 13:00, Lifestyle CNA

Ushtrimi pas punës dhe një sasi e mjaftueshme e gjumit, janë mënyra më e mirë për t?u përgatitur për një ditë stresuese, sipas një studimi të ri nga gjermanët. Në këtë mënyrë e shmangni lodhjen dhe mbijetoni ditën e lodhshme në punë. Edhe pse shumica e njerëzve kur e përfundojnë punën, shkojnë drejt në divan, ekspertët këshillojnë për të shkuar menjëherë në vrapim, not apo ngasjen e biçikletës dhe vetëm pas kësaj të shkohet në krevat për të pushuar.

Punonjësit duhet të jenë aktiv para ditës stresuese. Hulumtimet kanë treguar se para ditës stresuese dhe të mundimshme, njerëzit kanë nevojë për ushtrime dhe të flenë më shumë se zakonisht, thotë Inga Nagel, autore e studimit. Ushtrimi ndikon në efikasitet dhe humor, por edhe shpenzon energji dhe kërkon një kohë të caktuar për rikuperim. Prandaj, është mirë të kombinohet stërvitja dhe pushimi.

Mjafton që të vraponi nga 15 deri në 30 minuta dhe atë vrapim të lehtë, si dhe ushtrime 10 minutash për të pasur më shumë sukses. Në studim morën pjesë 144 punëtorë, të moshës 22-64 vjeç, të cilët kanë punuar 38 orë në javë. Të gjithë ata, të paktën një herë në javë kanë bërë ushtrime fizike. Gjatë pesë ditëve të punës, kanë mbajtur shënime se çka kanë punuar gjatë orarit të punës, se çfarë kishin bërë kur janë kthyer nga puna dhe sa kohë kanë fjetur. Mandej, studiuesit kanë matur efikasitetin e tyre në punë, shpejtësinë dhe mënyrën e të menduarit dhe të optimizmit.

Kjo rezultoi se të gjitha këto aspekte ishin përmirësuar, nëse pjesëmarrësit kishin fjetur një ditë më parë më shumë sesa që flenë zakonisht. Pjesëmarrësit mesatarisht kanë shpenzuar 24 minuta për stërvitje dhe kanë fjetur mesatarisht 6 orë e 40 minuta, çdo natë.

Shkencëtarët kanë ardhur në përfundim se gjumi i zgjatur pas ushtrimeve, sidomos para ditë së lodhshme, ruan shëndetin fizik dhe mendor të punësuarve, që do të thotë se punonjësit zakonisht përfundojnë detyrat e tyre gjatë orarit të punës dhe rrallë qëndrojnë më gjatë në punë. Ndërsa tek ata punëtorë të cilët fare nuk janë marrë me ushtrime fizike apo vrapim, por menjëherë kanë shkruar në gjumë pas punës, rezultatet kanë qenë shumë të dobëta në realizimin e detyrave të nesërmen. Prandaj, për të shmangur këto pasoja, ekspertët sugjerojnë një kombinim të ushtrimeve dhe pushimit.

Po ashtu, është mirë që të bëjmë kujdes edhe me ushqimet, në mënyrë që të shmangim ato ushqime të cilat kanë shumë kalori, sidomos para se të shkoni në gjumë, pasi ushqimet jo të duhura, e çrregullojnë në tërësi gjumin dhe me këtë ju do të ndjeheni të lodhur dhe nuk do të jeni në gjendje të realizoni si duhet detyrat tuaja.