E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Avokati i Popullit fiton të drejtën e ndërhyrjes pranë OKB-së

13 Mars 2015, 16:55, Aktualitet CNA

Institucioni i Avokatit të Popullit ka marrë certifikatën me statusin A, që përfaqëson statusin më të lartë të përputhshmërisë së institucionit me Parimet e Parisit, të adoptuara nga Asambleja e Përgjithshme e Organizatës së Kombeve të Bashkuara nëpërmjet rezolutës 48/134 të datës 20 dhjetor 1993.

Konfirmimi i statusit A për institucionin e Avokatit të Popullit, si vlerësimi me i lartë për institucionet e të drejtave të njeriut në nivel botëror, konfirmon dhe njëherë punën e institucionit duke i dhënë të drejtën e ndërhyrjes së përhershme në Këshillin për të Drejtat e Njeriut pranë Organizatës së Kombeve të Bashkuara.

Kjo i mundëson institucionit të Avokatit të Popullit që zëri i qytetareve të dëgjohet dhe në forumin më të lartë të të drejtave të njeriut në nivel botëror. Ceremonia e dorëzimit të certifikatës u bë në konferencën vjetore të Komitetit Ndërkombëtar Koordinues të Institucioneve Kombëtare të të Drejtave të Njeriut (ICC), që po mbahet në Gjenevë me datë 12-13 Mars 2015.

?Falënderoj komunitetin ndërkombëtar për mbështetjen e madhe dhe konstante, shoqërinë civile, qytetarët që na mbështesin duke na besuar dhe padyshim median si aleatin kryesor të Avokatit të Popullit në pasqyrimin e punës së institucionit për mbrojtjen dhe promovimit e të drejtave të njeriut?, shprehet Avokati i Popullit Igli Totozani.

Gjatë punimeve të konferencës ishin të pranishëm dhe z. Zeid Ra?ad al Hussein, Komisioneri i Lartë për të Drejtat e Njeriut pranë OKB- së si dhe z. Joachim Rucker, Presidenti i Këshillit të të Drejtave të Njeriut.

Avokati i Popullit, i cili është edhe anëtar i Byrosë së ICC, mori pjesë dhe në takimin paraprak të Byrosë, e përbërë nga 16 anëtarë në nivel global, si një nga katër anëtarët nga Evropa së bashku me homologun nga Franca, Danimarka dhe Skocia. Totozani pati takime bilaterale dhe me institucione të tjera homologe, përfshirë Avokatin e Popullit të Kosovës, Ombudsmanin e Austrisë, Skocisë, Portugalisë etj.