web counter
LEXO PA REKLAMA!

SHKARKO APP

App Store
Google Play

Avioni "Solar Impulse", rreth botës për 5 muaj

11 Mars 2015, 15:45, Aktualitet CNA

Avioni ?Solar Impulse?, që punon me energji diellore, ka nisur udhëtimin rreth globit. Pas një fluturimi prej 12 orësh, avioni ndaloi në kryeqytetin Moskat të Omanit, që është edhe stacioni i tij i parë.

?Solar Impulse? u transmeton 4 motorëve të tij energjinë diellore dhe njëherësh ngarkon bateritë, duke u bërë kështu i aftë për fluturim edhe gjatë natës. Përfundimi me sukses i turneut të këtij avioni përreth globit mbart rëndësi të madhe për të ardhmen e burimeve të energjisë së rinovueshme. Ky mjet ajror që përdor energjinë diellore si lëndë djegëse, u ngrit në fluturim nga kryeqyteti Abu-Dabi i Emirateve të Bashkuara Arabe.

Nëse gjithçka shkon mirë, udhëtimi i këtij avioni rreth botës do të zgjasë 5 muaj. Ai do të qëndrojë plot 500 orë në ajër dhe gjatë kësaj kohe do të përshkojë mijëra kilometra. Kurse në vendet, ku do të aterrohet, ?Solar Impulse? do të marrë pjesë në fushatat për energjinë e rinovueshme. Pilot i avionit në fjalë është 63-vjeçari zviceran, Andre Borschberg, ndërsa ndihmës i tij është piloti suedez, Bertrand Piccard. Avioni ka 17 mijë panele diellore në krahët e tij 72 m të gjatë dhe një peshë shumë të vogël falë ndërtimit me fibra karboni. Fluturimet e tij do të realizohen gjatë natës dhe me shpejtësi të ulët, sepse në këtë mënyrë funksionojnë më mirë sistemet e tij. Projekti i avionit me energji diellore, që e ka nisur rrugëtimin e tij me sloganin ?Energji e Pastër?, është fryt i punimeve intensive 13-vjeçare. ?Solar Impulse? ka kushtuar plot 100 milionë dollarë dhe mbështetet nga rreth 200 kompani me aktivitet ndërkombëtar.





Lajmet e fundit nga