web counter
LEXO PA REKLAMA!

SHKARKO APP

App Store
Google Play

Rikthehet konkursi “Onufri”

1 Mars 2015, 19:30, Kulturë CNA

Konkursi ?Onufri? i ndërprerë vitin që kaloi nga Ministria e Kulturës, këtë vit do të rikthehet dhe pritet të zhvillohet me një statut të ri. Që nga muajt e fundit të vitit që kaloi dhe deri tani, për këtë konkurs ka pasur diskutime dhe debate nga më të ndryshmet, por  më në fund konkursi do të zhvillohet me edicionin e tij të 21-të . Në një konferencë për shtyp  në ekspozitën ?Punëtorët dalin nga studioja Duke mos parë me realizëm socialist? në Galerinë Kombëtare të Arteve, Artan Shabani drejtori i galerisë  u shpreh se këtë vit do të zhvillohej edhe konkursi?Onufri?. Problemi më i madh për konkursin ?Onufri? gjithmonë ka qenë buxheti i paktë që është dhënë nga Ministria e Kulturës,   edhe pse këtë vit ka një aprovim të ministrisë për edicionin e 21 të konkursit ende nuk ka një shifër buxheti të përcaktuar, gjë që pritet të marrë miratim në ditët të vijim.

Çmimi ?Onufri?, që mban emrin e ikonografit të shquar mesjetar shqiptar, deri tani ka qenë çmimi më i rëndësishëm publik për artet pamore në Shqipëri. Qëllimi i tij është të  promovojë dhe mbështesë rolin vital që luan arti në rritjen e ndërgjegjësimit publik, si dhe aftësisë së artit për të ?matur pulsin? e kohës sonë. Prej vitit 1993, konkursi i arteve pamore ?Onufri? është kthyer në një skenë ku shiheshin tendencat dhe situata e artit pamor në vend.   Që nga viti 1998, ?Onufri? ka qenë një konkursndërkombëtar. Në edicionet e tij ndër vite vetëm një herë ka pasur çmim për skulpturën, pasi në vëmendje ka qenë krijimtaria në artin bashkëkohor. Në edicionin e 20, që nisi në dhjetor të 2013 për të vijuar dhe në 2014, ?Onufri? prezantoi 12 artistë nga Shqipëria, Kosova, Italia, Franca dhe Egjipti.. Ekspozita konkurs u zhvillua nën kujdesin e dy kuratorëve, artistit shqiptar Olson Lamaj dhe italianit Claudio Cravero.





13:45 Kulturë

Muri i Londrës

 Muri i Londrës është një mur mbrojtës që  ka rrethuar qytet...

Lajmet e fundit nga