Lindita Nikolla bllokon doktorat e universiteteve publike, UET "Mbretëron" e qetë

26 Shkurt 2015, 11:52, Aktualitet CNA

Në Republikën e Shqipërisë, aktualisht, vetëm një universitet ka të drejtën të zhvillojë programet e ciklit të tretë të studimeve, e quajtur ndryshe doktoratura. Ai është Universiteti Europian i Tiranës i Henri Çilit, i cili sipas një raport-kontrolli të vetë Ministrisë së Arsimit, është klasifikuar si piramidë arsimore, megakioskë dhe rrezik kombëtar. Ka ndodhur një akt i paprecedentë, një akt me natyrë mafioze, është krijuar një monopol klientelist dhe korruptiv, ku pas tij fshihet dora e Henri Çilit, dorë e cila duket se ka kapur jo vetëm Ministrinë e Arsimit dhe drejtoritë kryesore të saj, por edhe qeverinë.

Ministria e Arsimit ka bllokuar pa afat kuotat e doktoraturave për universitetet shtetërore, për pasurinë e vetme që u ka mbetur shqiptarëve, ndërsa në të njëjtën kohë i ka miratuar 360 doktoratura universitetit të Henri Çilit, i cili nuk plotëson qoftë edhe një kriter dhe standard. Është një goditje e organizuar ndaj universiteteve publike, për të favorizuar UET, për t?i hapur rrugën monopolit të Henri Çilit. Mos vallë piramida arsimore e Henri Çilit, që doktoron shtetas të huaj pa e ditur gjuhën shqipe, i plotëson kriteret dhe standardet, të cilat nuk plotësohen nga universitetet publike, me traditë 60-vjeçare? Mos vallë piramida arsimore e Henri Çilit, që ka vetëm 10 profesorë doktorë i plotëson kushtet, ndërsa Universiteti i Tiranës, me qindra doktorë shkencash, nuk i plotëson?

Reagojnë drejtuesit e universiteteve

Drejtuesit e universiteteve publike kanë kundërshtuar ashpër vendimin e Ministrisë së Arsimit për pezullimin e doktoraturave. Qeveria vendosi që të mos publikojë kuota për nivelin e tretë të studimeve për universitet publike, por sipas pedagogëve dhe krerëve të këtyre institucioneve arsimore një veprim i tillë është në kundërshtim me ligjin. I pyetur nga gazeta ?Sot?, dekani i Fakultetit të Historisë dhe Filologjisë, Shezai Rrokaj, ka kundërshtuar ashpër vendimin, duke thënë se ai bie ndesh me ligjin për arsimin e lartë. Rrokaj është shprehur se mund të bëhet një ulje e kuotave, por nuk mund të ketë një pezullim të përgjithshëm. Ai ka thënë më tej se janë duke u favorizuar universitetet private.

?Fakti që doktoraturat janë pezulluar, është një proces në kundërshtim me ligjin. Bie ndesh me ligjin për arsimin e lartë. Qeveria ka të drejtë që të përcaktojë kuotat dhe shumë mirë mund t?i kishte ulur ato, por jo ta pezullojë procesin. Nuk ka kuptim që për universitetet publike të pezullohen doktoraturat dhe për privatin jo. Qeveria i ka të gjitha mundësitë që të kontrollojë sistemin dhe fare mirë mund të kufizonte kuotat, edhe unë jam për pakësimin e kuotave. Por pezullimi i doktoraturave bie në kundërshtim me kuadrin ligjor?, është shprehur Rrokaj. Lidhur me arsyet se përse Ministria e Arsimit apo qeveria morën një vendim të tillë, Rrokaj ka thënë se si drejtuesi i Universitetit të Historisë dhe Filologjisë nuk ka marrë asnjë shkresë që të informohet. ?Janë arsye pa arsye. Nuk ka asnjë argument ligjor nga ana e qeverisë. Është një pezullim antiligjor?, vijoi ai.

Fakulteti i Drejtësisë

Pothuajse në të njëjtën linjë ka qenë edhe dekani i Fakultetit të Drejtësisë, Altin Shegani, i cili u shpreh se nuk ka marr ende asnjë informacion nga Ministria e Arsimit se përse është bërë ky pezullim. Ai deklaroi se nuk mundet që të penalizohet të gjithë universitetet. ?Ne nuk kemi akoma një shkresë zyrtare që të na informojë për këtë vendim. Deri më tani që flasim nuk na është komunikuar asgjë. Lidhur me kriteret për doktoraturat ne si Fakultet i Drejtësisë i plotësojmë të gjithë kushtet. Ministria me një vendim të tillë nuk mundet që t?i penalizojë të gjithë?, është shprehur ai për gazetën ?Sot?. Më tej Shegani ka thënë se nuk ka informacion edhe sa i përket arsyeve se përse u mor një vendim i tillë.

– See more at: http://www.cityfm.al/cityfm/2015/02/lindita-nikolla-tjeter-skandal-ne-favor-te-henri-cilit-bllokon-doktoraturat-e-universiteteve-publike-uet-monopol-pa-kushte/#sthash.NjohFkdv.dpuf