web counter
LEXO PA REKLAMA!

SHKARKO APP

App Store
Google Play

Paradokset tona

23 Shkurt 2015, 13:51, Aktualitet CNA

Nga Artan Fuga

Jemi populli më i varfër i Europës.

Me ekonominë më të dobët.

Dakord?

Por konsumojmë energjitë më të shtrenjta si energjia elektrike dhe karburantet me çmime të shtrenjtë.

Jemi të varfër, por jemi kombi që kemi zbrazur më tepër territorret e veta dhe braktisur pasuritë e veta natyrore.

Kemi të ardhurat nga më të ulta për frymë, por kemi deputetë dhe të zgjedhur më shumë për banor dhe më mirë të paguar në krahasim me të ardhurat mesatare të qytetarit sesa çdo vend në Europë.

Jemi vendi me industri dhe bujqësi më pak efektive në Europë, por kemi investime nga më të mëdhatë në krahasim me GDP në sektorë krejtësisht jo rentabël nga ana e vlerës shqoërore si në media apo në arsimin universitar privat, por me fitim të madh financiar.

Jemi vendi më i varfër, amà ndoshta vendi më i kamur në sasi kafenesh për metër katror dhe individë që nuk punojnë.

Kemi qytetet me funksion ekonomikë më të zbehtë në Europë, amà kemi intensitetin dhe densitetin më të madh të popullsisë urbane të ardhur rishtazi në zonat qytetëse.

Kemi vijën bregdetare më të gjatë në raport me territori sesa shumë vende europiane tër zhvilluara, por kemi turizmin më mizerabël në botë.

Kemi ushtrinë më të dobët në Europë, por kemi pretendimin më të madh për te “mbajtur çelësat e tensioneve mes Lindjes dhe Perëndimit”. Më kujtohen kalamajtë e socializmit që mbanin çelësat e apartamentit varur me litar në qafë.

Këto kontradikta duhet të zgjidhin reformat, kurse debatet shterpë nëse “masat” janë “reforma” apo “reformat” janë “masa” nuk kanë asnjë dobi. Asnjë.

Kemi distancën më të madhe midis fjalëve që thuhen në politikë dhe realitetit të përditshëm fatkeq të shqiptarit.





12:43 Aktualitet

BIG BURG

Eni BITRAKUBig Brother shqiptar i realizuar kaq bukur dhe a...

Lajmet e fundit nga