Nje pergjigje per Mero Bazen

23 Shkurt 2015, 16:28, Aktualitet CNA

Nga Namir Lapardhaja

Lexova editorialin e djeshëm të Mero Baze në gazetën ?Tema? me titull ?Një sugjerim për 61 kandidatët?, i cili në një shkrim të gjatë i sugjeronte PD-së dhe PS-së që të promovojnë një model të ri politik të kandidaturave lokale.
Dhe pikërisht këtë model Baze e shihte tek figurat e spikatura politike dhe menaxheriale nga bota e biznesit dhe e shoqërisë civile ose të ish-deputetëve ose deputetëve, të cilët do të ringjallnin zonat e largëta të vendit dhe do të zëvendësonin njerëzit pa vizion dhe ide që kishin këto bashki, me ndarjen e re territoriale.
Baze ka të drejtë në një gjë në shkrimin e tij: kur thotë se 61 drejtuesit e njësive vendore do të jenë më të rëndësishëm se 140 deputetët e Parlamentit të Shqipërisë, gjë që do të kërkonte nga të dyja forcat politike t?i kalonin në lupë kandidatët respektivë.

Mirëpo, Baze, sipas meje, gabon kur thotë që në bashkitë dhe qytetet e mëdha të vendit nuk kanë ngelur më njerëz të aftë, me ide dhe me vizion, me justifikimin se ata kanë ikur të gjithë drejt Tiranës, gjë që detyrimisht do të çonte në inportimin e tyre nga Tirana drejt njësive të tjera bashkiake të vendit.
Një mendim i tillë është a priori i gabuar ose është tregues i mosnjohjes së realitetit të qyteteve tona.
A mund të thuhet një gjë e tillë për bashkitë e mëdha, si Shkodra, Elbasani, Durrësi, Vlora, Gjirokastra etj.?!
A mbaruan njerëzit normal dhe të përgatitur në këto bashki që të marrim kandidatë nga Tiraana e t?i kandidojmë në këto bashki?!

Mero propozon njerëz të spikatur nga bota e biznesit!

Unë po i jap vetëm një shembull, z. Baze, edhe pse mund t?i jap me dhjetra të tillë:
a e dini se një ndër njerëzit më të pasur të Shqipërisë, i cili merret me biznesin e ndërtimit të rrugëve, me firmën më të fuqishme, e cila fiton shumicën e tenderave dhe të investimeve më të mëdha të vendit, pavarësisht forcës politike që drejton, është një ish-faturino autobuzi????

Për kë politikanë të spikatur e ka fjalën Mero kur flet që të vijnë nga Tirana e të drejtojnë njësitë e tyre vendore? Për ata që janë futur në politikë aksidentalisht, kanë dalë prej saj ashtu si janë futur dhe nuk kanë dëshmuar asnjë vlerë apo asnjë kontribut real për demokracinë në Shqipëri?

Apo mos e ka për ata deputetë dhe ish-deputetë me të kaluar të dyshimtë, të ardhur nga bota e errët e bizneseve të jashtëligjshme në Shqipëri dhe që u ka shërbyer politika si lavatriçe për pastrimin e parave të tyre?
Unë mendoj se ka ende njerëz në këto 61 njësitë vendore që do të ketë Shqipëria tashmë me ndarjen e re territoriale, të cilët mund t?i drejtojnë njësitë e tyre vendore shumë mirë, me më shumë përgjegjësi dhe me më shumë vizion dhe ndershmëri.