web counter
LEXO PA REKLAMA!

SHKARKO APP

App Store
Google Play

E fundit!

x

Të ‘vdekurit’ e gjallë

21 Shkurt 2015, 13:00, Lifestyle CNA

Nuk ka asgjë qesharake dhe simpatike në lajmin e gënjeshtërt për vdekjen e dikujt. Ne ju prezantojmë disa nga personalitetet e famshme të cilët kanë qenë ?viktima? të talljeve të tilla.

Aktori Christian Slater më 2011 për herë të parë është shpallur i vdekur. Lajmi se ka humbur jetën në një aksident teksa po bënte sërf mbi borë, kishte dalë në një faqe amerikane. Natyrisht, shumë shpejt ishte dëshmuar se lajmi ishte i rremë dhe se aktori është gjallë e shëndoshë, por gjithashtu është dëshmuar se aksidentet me snoubord ishin bërë shkaktari i shpeshtë i vdekjeve të rreme të yjeve. Kështu Mickey Rurke, Jim Carrey, Charlie Sheen dhe Silvester Stallone, ishin shpallur të vdekur pikërisht për shkak të aksidentit në snoubord.

Lajmi i shpikur se këngëtari i ri Justin Bieber ka vdekur dy herë, ka pushtuar dhe tronditur botën. Së pari më 2013 një lajm ishte përhapur me shpejtësi dhe në të thuhej se ai ka humbur jetën në një aksident trafiku. Një vit më vonë, është përhapur edhe një lajm tjetër me përmbajtje të njëjtë, i cili sërish kishte cuar fansat e tij në dëshpërim, por për fat asnjëri prej tyre nuk ishte i saktë.

Edhe golfisti më i suksesshëm i të gjitha kohërave, Tiger Woods, nuk ishte imun ndaj këtij mashtrimi. Për të ishte thënë se ka vdekur papritmas në një shtëpi të marrë me qira në Republikën Dominikane dhe ky lajm kishte tronditur të gjithë, para se të hidhej poshtë.

?Do të na mungojë, por nuk do ta harrojmë kurrë. Ju lutem që të shprehni ngushëllime përmes komentimit në këtë faqe?. Ky ishte teksti i cili ishte paraqitur në Facebook, ku thuhej se reperi i famshëm Eminem, ka vdekur. Edhe pse më vonë ishte konstatuar se Eminem është mirë, kjo faqe kishte marrë më shumë se një milionë pëlqime.





Lajmet e fundit nga