web counter
LEXO PA REKLAMA!

SHKARKO APP

App Store
Google Play

E fundit!

x

Bashkia e Tiranës, reagim ndaj mbrojtjes që i bëhet ndërtimit pa leje të Veliajt

27 Janar 2015, 16:39, Aktualitet CNA

Bashkia e Tiranës është shprehur nëpërmjet një deklarate për shtyp se mobilizimi i Policisë së Shtetit për të mbrojtur ndërtimin pa leje të Erion Veliajt është dëshmi e degradimit përfundimtar të shtetit.

Sipas Bashkisë, askush nuk mund të ndërtojë pa leje e aq më pak institucionet qeveritare. ?Është skena e përsëritur e këtyre muajve, e keqpërdorimit të policisë duke e kthyer atë nga një instrument lufte kundër paligjshmërisë dhe krimit, në një mburojë të paligjshmërisë qeveritare dhe çirake të kriminelëve dhe banditëve?,- shprehet Bashkia e Tiranës.

Sipas komunikimit të këtij institucioni, ky, është modeli i bashkëjetesës së qeverisë me paligjshmërinë, i kërbaçit për njerëzit e thjeshtë dhe kulaçit për pushtetarët e korruptuar dhe miqtë e tyre.

?Është ky model që i ka kthyer spitalet publike në strip klube dhe drejtoritë arsimore në motele për pushtetarët. Ky model, i mishëruar nga paligjshmëritë flagrante të ministrit Veliaj dhe dikasterit të tij janë problemi i vërtetë që duhet e do të zgjidhim me qytetarët e Tiranës dhe mbarë Shqipërisë?,- thotë Bashkia në reagimin e saj.





Lajmet e fundit nga