E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kush eshte deputeti i LSI Pirro Kapurani/ Dokumenti 200 milion leke energji te papaguar

18 Janar 2015, 12:17, Aktualitet CNA

Elvi FUNDO

Deputeti i LSI Pirro Kapurani është akuzuar sot publikisht për borxhet ndaj OSHEE. Sipas opozitës Kapurani ka të paktën 20 milion lekë të reja borxhe për energjinë e papaguar nga viti 2007-2013.

Dokumenti i publikuar është fatura e muajit dhjetor e cila ka në fund edhe shënimin e borxheve të një biznesi të quajtur “Qeramika Albania”, një fabrikë tullash e ndodhur në Korcë ku duket qartë detyrimi prej te pakten 20 milion lekë të reja.

“Qeramika Albania” sh.a, ështe një kompani që funksionon në fushën e prodhimit të materialialeve të qeramikes, produkteve dhe nënprodukteve të saj si tulla,tjegulla,tubacione qeramike,drenazhimi,etj. Kompania është në pronë shtetasit Vasil Kapurani me 46% të aksioneve, Mihal Kapurani 5% të aksioneve dhe 49% janë në pronesi te shtetasit Sokol Simaku.

Dy personat, Vasil dhe Mihal Kapurani janë vëllezërit e Pirro Kapuranit, deputetit të LSI në Korcë. Aksioneri tjetër Sokol Simaku është një biznesmen që operon në fushën e ndërtimit.

Fatura tregon qartazi se biznesi ka miliona lekë detyrime por këto nuk janë vetëm në OSHEEE por edhe në institucione të tjera sic janë tatimet apo doganat. Favorizime të bëra vite me rradhë ndaj këtyre biznesmeneve.

Pirro Kapurani është zgjedhur deputet në vitin 2013 nga kolalicioni i “Rilindjes”. Në Korcë ka pasur një debat të gjerë në lidhje me këtë kandidature, pasi shumica e oponionit e akuzonin si analfabet me 8-klasë shkollë. Humori në rrjetet sociale por edhe publikisht për këtë kandidaturë nuk ka ndalur. “Ta pyesim Pirron ke ka shokë gjimnazi”, shkruajtën dhe u shprehën qytetaret e Korcës, ose ai ska mbaruar as klasën e 8-të si e bëjnë deputet. Por këto akuza për mungesë arsimimi, nuk e penguan Kapurranin të marrë gati 15 mijë vota në qarkun e Korcës nga të cilat 9 mijë vetëm në rrethin e Pogradecit ku funksionon një nga degët më të forta të LSI-së në vend.

Pirro Kapurani ka qënë një biznesmen, i cili së bashku me vëllezërit e tij kanë punuar në shumë fusha, ndërtim, hoteleri, bare, markete, karburante, fason etj. Fabrika e tullave është nj nga investimet e fundit. Investim i cili ka pasur jo pak probleme dhe përplasje mes aksionerëve fillestare, debate që cuan në ndarje dhe të tjera veprime të brendshme të kompanisë.

Ka vetëm një ndryshim thelbësor nga deklarata e bërë sot nga opozita, Pirro Kapurani nuk është miku i Ilir Metës apo biznesmen i tij, por fasada e LSI. Ai është vendosur kandidat për deputet nga vëllai i tij Vasil Kapurani i cili është edhe pronari i fabrikës së tullave, ku detyrimet jane me dhjetra milionë lekë ndaj shtetit. Pirro Kapurani dhe klani i tij që në fakt drejtohet totalisht nga vëllai i tij kane marrë jo pak nga tava e pushtetit në qarkun e Korcës, ku kontrrollojnë tatimet, doganat, bujqesinë, pyjoren etj. Mjaft institucione ku LSI dominon por edhe “punon” për elektoratin.

Në Korcë përflitet se krerët e institucioneve paguajnë “taksë” mujore tek Pirro Kapurani. Deputeti i LSI është ai që vendoas për cdo emërim në këto institucione. I vetëm dhe si nje klan klientelist ai ka gati 50% te pushtetit dhe institucioneve në qarkun e Korcës.

Ato cfarë tha sot opozita për deputetin e LSI-se në Korcë janë pak shumë pak. Thjesht një fature dhe asgjë me shume megjithëse është për tu përshendetur fakti që opozita filloi konkretisht t publikoj akuza per deputetet e LSI. Kush eshte? Sa vlen? Sa di? Ka ose jo klientelizem apo korrupsion ne LSI-ne e KOrces? Mjafton nje shetitje e thjeshte ne qytet dhe ne institucionet ku drejtoron Klani Kapurrani per te kuptuar te verteten.

Sot Korca ka nje deputetet te paarsimuar por edhe te kthyer ne “taksambledhesin” me te madhe ne zone besoj ne konkurence me tatimet dhe doganat qe i ka vete nen kontrroll..