web counter
LEXO PA REKLAMA!

SHKARKO APP

App Store
Google Play

E fundit!

x

Si të veproni pasi të jeni braktisur nga i dashuri?

17 Janar 2015, 13:00, Lifestyle CNA

Ndërprerja e marrëdhënies mes dy njerëzve që kanë jetuar së bashku për një kohë, gjithmonë është e dhimbshme dhe e vështirë. E vështirë është edhe për atë që ndërmerr hapin e tillë, por veçanërisht është e dhimbshme për personin që braktiset. Pavarësisht nga shkaku i shkëputjes së lidhjes, ajo mund të ketë ndikim të mëtutjeshëm në jetë dhe të shkaktojë një numër të ndjenjave shqetësuese. Megjithatë, ka disa mënyra që mund t?ju ndihmojnë që atë periudhë të vështirë ta përballoni më lehtë dhe sa më shpejt që të jetë e mundur. Kini vëmendjen se nga çdo përvojë, çfarëdo qoftë ajo, mund të mësoni diçka të re dhe të bëheni një person i mençur për të ardhmen.

Jepini vetes kohë të mjaftueshme

Hidhërimi është një reagim i natyrshëm për humbjen e më të dashurit. Kini konsideratë se pikëllimi është një proces i shërimit dhe që pastaj do të filloni me jetën tuaj. Pa marrë parasysh se sa shumë e fortë do të jetë dhimbja, ajo nuk do të zgjasë përgjithmonë.

Bisedoni për ndjenjat tuaja

Nëse mbylleni në vetvete dhe luftoni personalisht me pikëllimin që ju ka kapluar, kjo nuk do të jetë mënyra më e lehtë e zgjidhjes së problemit. Flisni me njerëz të tjerë që ju besoni për mënyrën se si ndjeheni. Mos u ndjeni të poshtëruar, kur të tjerët janë të vetëdijshëm për ndjenjat tuaja, ju do të ndjeheni më të qetë dhe do të shmangni pyetjet e pakëndshme nëse flisni hapur për çdo gjë. Ju gjithashtu mund të mbani një ditar, të shkruani atë çfarë mendoni, vetëm bëni gjithçka që ta shprehni atë që ju mundon.

Mos harroni se qëllimi është, të vazhdoni tutje!

Sigurohuni që ndjenjat e pikëllimit të mos transformohen në ndjenjën e zemërimit. Me këtë nuk do të keni përfitime, gjë e cila mund të zgjasë rrjedhën e shërimit. Mos harroni se qëllimi juaj i fundit është për të përballuar ndarjen sa më shpejt të jetë e mundur dhe të vazhdoni tutje me jetën tuaj.

Kujtoni se keni një të ardhme përpara vetes

Edhe pse tani gjithçka duket e zezë dhe e pashpresë, fakti është se para jush ka shumë gjëra për të bërë. E ardhmja e ndritshme mund të duket si një mirazh, megjithatë, të jeni e vetëdijshme për të, pasi disa ditë më të mira janë përpara jush.

Kini kujdes që pikëllimi të mos kalojë në depresion

Sigurohuni që të jeni të vetëdijshëm për dallimin në mes të pikëllimit dhe depresionit. Pikëllimi mund t?ju paralizojë pas ndarjes, por pas një kohe, më pak do ta ndjeni. Nëse ende mendoni se kjo periudhë zie zgjat një kohë të gjatë dhe nuk mund të gjeni ndonjë gjë pozitive për ju dhe jetën tuaj, bisedoni me mjekun tuaj, sepse mund të vuani nga depresioni.





Lajmet e fundit nga