E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Harito shkarkon të gjithë të punësuarit pas Qershorit 2013

17 Janar 2015, 09:24, Aktualitet CNA

Në të gjithë piramidën e administratës publike, gjatë gjashtëmbëdhjetë muajve të qeverisë ?Rama?, janë hapur vetëm 148 vende pune. Gjatë kësaj periudhe janë emëruar me konkurs 114 kandidatë. Nga mbi 100 mijë punonjës që ka administrata shtetërore, gjatë këtyre muajve janë larguar me mijëra, të cilët janë zëvendësuar pa konkurs, praktikë kjo që kanë ndjekur të gjitha partitë politike gjatë 24 viteve të fundit. Pra, nga mijëra të emëruar, vetëm 148 janë rekrutuar me konkurs. Në këto kushte, sipas burimeve, ministrja e Shtetit për Inovacionin dhe Administratën Publike, Milena Harito dhe drejtoresha e Departamentit të Administratës Publike, Albana Koçiu, kanë urdhëruar shkarkimin e të gjithë të emëruarve pa konkurs në administratën publike. Urdhëri përfshin të emëruarit pas zgjedhjeve të 23 Qershorit 2013 e në vijim. Sipas burimeve, pas zgjedhjeve të 23 Qershorit dhe deri ditët e fundit, në administratë janë emëruar me mijëra punonjës, pa konkurs, në shkelje flagrante të ligjit, udhëzimeve dhe rregullave në fuqi. Kjo kategori mësohet se do të jetë pjesë e një fshese të re në administratë, fshesë e cila pritet të krijojë edhe probleme në koalicion.

Takimet

Ministrja e Shtetit për Inovacionin dhe Administratën Publike, Milena Harito, ka nisur dje turin e takimeve me studentë dhe të rinj për të prezantuar reformën në administratën publike dhe procesin e konkurseve për vendet vakante në administratë. E pranishme në Universitetin ?Aleksandër Xhuvani? në qytetin e Elbasanit, ministrja Harito u ka sqaruar të rinjve procesin e ri të rekrutimeve për të motivuar studentët e niveleve master të besojnë në aftësitë e tyre profesionale dhe të konkurrojnë në konkurset e zhvilluara nga Departamenti i Administratës Publike duke garantuar transparencë të lartë në këtë proces. Harito theksoi se standardi i reformës në administratën publike është tashmë një risi esenciale e cila ka hedhur rrënjët e saj dhe nuk ka kthim mbrapa. Reforma udhëhiqet nga standardet e meritokracisë me qëllim depolitizimin e administratës dhe rritjen e nivelit profesional të nëpunësve të saj. ?Administrata e ka të domosdoshme që të fillojë të shkojë drejt standardeve evropiane. Që të shkojmë drejt këtyre standardeve duhet të kemi një administratë që është e aftë t?i përballojë ato. Kjo është arsyeja që një nga parakushtet e marrjes së statusit kandidat ishte kjo reformë e administratës publike të cilën ne po përpiqemi ta çojmë përpara me shumë ngulm?, u shpreh Harito.

Ndryshimet

Ministrja e Shtetit për Inovacionin dhe Administratën Publike, shpjegoi ndër të tjera se procesi i rekrutimit dhe konkurset e realizuara për vendet vakante në administratën publike, janë dëshmia më e qartë e transparencës dhe ndryshimit rrënjësor që po sjell reforma. Sipas saj, rezultatet e konkurseve të realizuara në dhjetor tregojnë jo vetëm për rritjen e besimit të qytetarëve ndaj këtij procesi por dhe angazhimin e tyre serioz dhe profesional. ?Këtë mesazh dua t?iu përçojë juve: Besojeni sistemin! Kur të vijë momenti të konkurroni, konkurroni. Mos u dekurajoni nëse humbni një herë sepse mësoni procesin. Përpiquni, përpiquni të jeni më të aftët dhe keni gjithë shanset për të hyrë në shërbimin civil?, theksoi Harito.
Gazeta SOT