"GRUA"

16 Janar 2015, 21:53, Aktualitet CNA

Nga Majlinda BREGU

Me Doris Pack jam njohur ne 2005. Ishim bashkekryetare te grupit te perbashket te parlamentareve mes Shqiperise e BE. Kushdo e njeh Doris e ka te qarte se cdo te thote te jesh nje politikan “shperthyes”, kurdo gati per te folur hapur, asnjehere e shqetesuar se kujt nuk i pelqen ky stil i sinqeritetit te saj ” kercites”. Keshtu kam biseduar me te ne dite shume te mira e me humor e ne dite te veshtira e me humor te prishur, por ne cdo takim me te, gjithmone kam gjetur nje mike te Shqiperise e Shqiptareve dhe jo nje Doris mike te politikaneve.

Presidenti Nishani e ka dekoruar mbreme me urdherin Gj. K. Skenderbeu, sot kemi diskutuar per te disaten here se sa veshtire Jo vetem ne Shqiperi,por edhe ne rajon e me gjere shoqerite, s’kane qene kurre as shume demokratike, as shume liberale qe do te thote se eshte dashur perpjekje madhore per t’i bere grate te ushqejne vetebesim e instutucionet qe te zbatojne ligje e standarte qe promovojne barazine.

Pas perpjekjeve 20 e ca vjecare te grave e burrave qe mendojne se “grua” nuk eshte status inferioriteti ne shoqeri, sot Partite Politike kane rene dakord te mbrrijne ne quoten 50 % per perfaqesimin e grave duke filluar nga zgjedhjet e aferta lokale, per keshillat bashkiake. Nje lajm shume i mire pa asnje dyshim, por nuk mund te mos them se perfaqesimi i grave ne politike nuk prek ne menyre te menjehershme grate e papuna, ato qe punojne ne te zeze, ato qe me nje vendim ne fund korrik qeveria ju rriti me 5 vjet moshen e pensionit DHE, nuk eshte i mjaftueshem per te luftuar FEMINICIDIN! Vrasjen e vajzave dhe grave sic llahtarisht po degjojme shume shpesh! Dhe kjo nuk ndodh se ligjet nuk jane ashpersuar, por sepse nuk jemi te gjithe ne nje front kunder dhunes, kaq te perhapur e mes nesh.

Cfare nuk e parandalon policia, fatkeqesisht e tret dheu; cfare parandalon policia duhet ta trajtoje me parimin se dhuna ndryshon per keq e per shume keq shoqerine, -prokuroria dhe gjykatat, te cilat nuk mund te bejne pazar me denimet qe jepen per dhunuesit e vrasesit; cfare nuk kemi bere dot ende eshte qe te orientojme e promovojme e edukojme ne shkolla modelin e kulturen antidhune; e cfare ne grate neser me shume se sot ne vendimarrje duhet te bejme, eshte te ndjekim zbatimin e politikave qe ju japin vajzave e djemve tane, qytetareve te ketij vendi, mundesi reale t ‘ i largohen kultures se dhunes e konfliktit.

Grate s’ jetojne vetem ne Tirane dhe pesha e mosperfilljes se problemeve qe kane, me shume na rendon ne, grate qe kane mundesi te marrin vendime edhe per ato qe s’munden. Le te shpresojme qe rritja ne 50% te kuotes ne listat e kandidateve per keshillat bashkiake , te na beje me shume per ndryshime reale.