E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Ishte al Kaeda apo ISIS? Derbi i terrorit zbret në Europë

11 Janar 2015, 21:14, Aktualitet CNA

Terroristët francezë ishin ndoshta ?ushtarë? në rivalitet me Shtetin Islamik. Mund të kenë vepruar për të rikonfirmuar supremacinë e vet

Hetuesit francezë nuk kanë hedhur hipoteza mbi përkatësinë e vëllezërve Kouachi dhe bashkëpunëtorit të tyre, Amedy Coulibaly. Dy grupet xhihadistë për të cilët është folur shumë në tre ditët e një pothuajse lufte në Paris ? al Kaeda dhe Shteti Islamik ? nuk kanë marrë përsipër aksionin dhe ekziston hipoteza që dy të rinjtë terroristë kanë vepruar të vetëm. Megjithatë, gjurmët e zbuluara deri tani hedhin një dyshim shqetësues sipas disa analistëve: që Europa mund të jetë terren i një konkurrence mes grupeve islamikë, e që është e lidhur me zhvillimin e konfliktit në Siri. Në vitin 2013, dega siriane e al Kaedës, Al Nusra, është distancuar nga veprimtaria dhe veprimet e Shtetit Islamik në Siri dhe në Irak, grupi tek i cili janë fokusuar prej disa muajsh shërbimet e fshehtë perëndimorë.
Al Kaeda në Gadishullin Arab ? filiali i Jemenit ? ka hedhur dje një mesazh zanor i cili nuk është tamam marrje përsipër e sulmit: ?Disa francezë nuk janë edukuar me profetët dhe kjo është arsyeja përse pjesëtarë të besimtarëve? kanë shkuar t?u mësojnë atyre se si duhet të sillen?, thuhet në mesazh me zërin e Harit Al Nazarit, të rrjetit të Jemenit.
Prej ditësh, zbulimet e shërbimit të fshehtë të cojnë tek pista e organizatës më të vjetër terroriste. Burime nga shërbimet e fshehtë francezë dhe amerikanë që të enjten në mbrëmje zbuluan se Said Kouachi kishte qëndruar disa muaj në Jemen dhe atje është stërvitur nga al Kaeda, gjë që dy vëllezërit e kanë pohuar me thirrje edhe në momentin kur hynin në pallatin e Charlie Hebdo. Sipas një burimi të shërbimeve të sigurisë së Jemenit, të raportuar nga Reuters, aty Kouachi është takuar me Anvar Al Aulakin, udhëheqës i grupit i vrarë nga një sulm amerikan me drone në vitin 2011. I rrethuar në një shtypshkronjë jashtë Prisit, Cherif Kouachi ka folur me televizionin Bfmtv, ka përsëritur përkatësinë në al Kaedën e Jemenit dhe ka përmendur emrin e Aulakit si ?financues?. Coulibaly ka përmendur Shtetin Islamik, por kjo gjë nuk është transmetuar.
Shërbimet e fshehtë të Uashingtonit dhe Parisit, pasi kanë analizuar lidhjet me Jemenin, po përpiqen të përcaktojnë nëse vëllezërit kanë vepruar të pavarur apo sipas një urdhëri eksplicit. Tre ditët e Parisit ngrejnë një hipotezë të tmerrshme, që e sheh Europën terrenin e një përplasjeje mes grupeve xhihadistë. ?Nëse al Kaeda është e përfshirë, mund të jetë për shkak të konkurrencës me Shtetin Islamik ? shpjegon Nigel Inkster i Institutit Ndërkombëtar për Studime Strategjike. Për shumë kohë kemi pyetur nëse, për t?iu përgjigjur sfidës së SHtetit Islamik, Al Kaeda në Gadishullin Arab do të përpiqej të rikonfirmonte kredencialet e veta. Eshtë një supozim i arsyeshëm, duke parë që e ka humbur tërheqjen ndaj të rinjve xhihadistë të komunitetit ndërkombëtar?. Nëse është e vërtetë, taktika për të përdorur ?ujqit e vetmuar?, më pak të kontrollueshëm nga shërbimet, do të ishte një kthesë shqetësuese për Europën dhe SHBA.
Al Kaeda në Jemen është një prej filialëve më aktivë të rrjetit të terrorit dhe ka mandatin për të vepruar jashtë vendit. Vitin që kaloi, një prej udhëheqësve, Nasser Bin Ali Al Ansi ka nxitur përmes një mesazhi filmik sulmet e ?ujqve të vetmuar?. Botimi në gjuhën angleze i lëvizjes, ?Inspire?, në vitin 2013 vendoste pikërisht karikaturistin Charb në një listë personazhesh të kërkuar ?gjallë apo vdekur?./times/bota.al