web counter
LEXO PA REKLAMA!

SHKARKO APP

App Store
Google Play

E fundit!

x

Berlini zyrtar: Nuk jemi kundër Greqisë

5 Janar 2015, 10:37, Aktualitet CNA

Qeveria gjermane hodhi poshtë një raportim në shtyp se ajo beson se dalja e Greqisë nga eurozona është pothuajse e paevitueshme nëse zgjedhjet e 25 janarit i fiton partia Syriza, e cila është kundër masave të kursimit. Lajmi është botuar nga revista Der Spiegel, e cila gjithashtu pretendon se kancelarja gjermane, Angela Merkel konsideron se eurozona mund t?ia dalë mbanë edhe pa Greqinë. Zyrtarisht, linja politike e Qeverisë gjermane është se ajo dëshiron që Greqia të qëndrojë në zonën e monedhës së përbashkët.
?Ne e duam Greqinë në eurozonë. Do të kushtojë shumë para për Greqinë nëse largohet dhe gjitashtu do të zerojë katër vjet reformash në këtë vend. Kjo është arsyeja përse ne shpresojmë që zgjedhjet të kenë një rezultat që do ta mbajë Greqinë në kursin proeuropian?, tha politikani i CDU-së, Ralph Brinkhaus.
Sidoqoftë, kreu i partisë së Majtë, Bernd Riexinger është tepër kritik ndaj komenteve që janë raportuar në shtyp si të kancelares gjermane, Merkel.
?Unë besoj se bëhet fjalë për një përpjekje për të ndikuar zgjedhjet në Greqi dhe që unë e konsideroj totalisht të papërshtatshme. Populli në Greqi duhet të vendosë dhe nëse vendosin të zgjedhin Syrizën, atëherë ky është një vendim që duhet respektuar?, tha ai.





Lajmet e fundit nga