E fundit!

10:19 Aktualitet

PS propozon projektligjin për Turizmin: Të pezullohen ndërtimet gjatë sezonit

Kreu i grupit parlamentar i PS Taulant Balla në seancën e ...

Denonconi korrupsionin online

4 Janar 2015, 15:57, Aktualitet CNA

Stopkorrupsionit.al do të jetë faqja e re zyrtare , prej nga ku të gjithë qytetarët do të mund të denoncojnë online rastet e korrupsionit, duke nisur nga 15 janari. Ministri për Pushtetin Vendor, njëkohësisht koordinatori kombëtar kundër korrrupsionit, Bledi Cuci, shprehet se portali i ri mund të shkarkohet dhe si aplikacion në celularë, për të denoncuar pa shumë burokraci zyrtarët e korruptuar.
?Vetëm një faqe dhe stopkorrupsionit.al i shkon atje, bën denoncimin tënd dhe kjo në mënyrë automatike, pa pasur nevojë të çosh shkresën, merr protokolli ia çon titullarit e kështu me radhë.
E gjithë kjo burokraci tashmë bëhet me një send, dërgo ajo shkon automatikisht në adresën zyrtare të personave përgjegjës me detyrimin që brenda dhjetë ditëve të raportojnë se çfarë po bëhet me denoncimet ?, sqaron Cuci një nga mënyrat e reja që mund të aplikohet nga qytetarët për problemet që kanë.
?Nëse ti ke problem ose do të denoncosh dicka që lidhet me drejtësinë, ke kuadratin ku thotë drejtësia, shtyp drejtësinë dhe të hapet formulari që është për denoncimin, ku ke mundësi të japësh të dhënat e tua ose të mbetesh anonim.
Ke mundësi të danlododsh video që ilustron denoncimin tënd dhe është shumë e lehtë për të identifikuar institucionnit të cilët i drejtohet. Me të shtypur dergo ankesa shkon menjëherë në formë teksti në postën elektronike të personit përgjegjës që është i identifikuar kur ti identifikon fushën dhe institucionin, i shkon atij personit që merret me ndjekjen e kësaj, i shkon departamentit të antikorrupsionit në kryeministri për hetime të mëtejshme nëse ka kushte dhe fakte që mund të çojnë në një hetim të mëtejshëm administrativ për të pasur denoncim të ardhshëm dhe i shkon titullarit të institucionit ndaj të cilit është bërë denoncimi?, vijon sqarimin Cuci.
Prokuroria do të hyjë në lojë vetëm nëse titullarët e institucioneve, pas denoncimeve online, vendosin të bëjnë kallëzim penal ndaj vartësve të tyre të korruptuar.
Po ashtu nëse vetë qytetari, krahas denoncimt online, i drejtohet dhe dyerve të organit të akuzës.
Paralelisht pranë kryeministrisë do të ngrihet një zyrë e posacme e cila do të studiojë këto denoncime për efekt statistikash si dhe do të sigurohet që ankesat e qytetarëve të marrin përgjigje brenda10 ditëve.