E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Përfundon hetimi për kompleksin ‘Jon’/ Prokuroria dërgon për ndjekje penale 6 zyrtarë

22 Qershor 2014, 10:41, Aktualitet CNA

Gjashtë muaj pas shembjes me anë të shpërthimit të kompleksit ?Jon?, prokuroria dërgon për gjykim nën akuzën e ?shëprdorimit të detyrës? gjashtë zyrtarë, të cilët akuzohen se me veprimet e mos veprimet e tyre kanë shkelur ligjin në dhënien e zbatimit të lejes për ndërtimin e këtij objekti në Ujin e Ftohtë.

Bazuar në kallëzimin e bërë, thotë njësia task forcë e Prokurorisë së Vlorës, rezulton se kanë përgjegjësi ligjore e duhet të gjykohen shtetasit:

Kujtim Sulçe, në cilësinë e ISJ, rregjistruesit të ZRRPP Vlorë; Darjan Hudhra në cilësinë e ish-drejtorit të Drejtorisë së Planifikimit të Territorit në Bashkinë Vlorë; Merita Tartari, në cilësinë e punonjëses së Drejtorisë së Planifikimit të Territorit pranë Bashkisë Vlorë; Blerina Dhrami, në cilësinë e ish-punonjëses së ZRRPP Vlorë; Mirela Muça, në cilësinë e punonjëses së ZRRPP Vlorë; Lindita Jaupaj, në cilësinë e ish-punonjëses së ZRRPP Vlorë.

Prokuroria thotë se, në kuadër të këtij hetimi janë gjetur me përgjegjësi edhe dy ish-zyrtarë të lartë të Inspektoratit Ndërtimor Urbanistik Vlorë.

Gjatë hetimeve paraprake është konstatuar se janë kryer veprime të kundraligjshme lidhur me zgjerimin e territorit në drejtimin e detit. Në rastin konkret, ushtrimi i kontrollit ka qënë detyrë dhe përgjegjësi e degës së INUK-ut në Vlorë.

Në Prokurorinë pranë Gjykatës së Shkallës së Parë të Vlorës është rregjistruar proçedimi penal i vitit 2012, për veprën penale ?shpërdorim i detyrës?, të parashikuar nga neni 248 i Kodit Penal.

Ky proçedim penal është dërguar për gjykim në ngarkim të shtetasve Ruzhdi Zeneli dhe Mario Kalus, në cilësinë e ish-përgjegjësve të INUV. Midis të tjerave, dy shtetasit e mësipërm janë akuzuar edhe në lidhje me mosushtrimin e kontrollit në vendin ku ka qënë ndërtuar objekti i mësipërm, thotë Prokuroria e Vlores.

Më tej bëhet e ditur se, në rastin e kompleksit ?Jon? janë kryer veprime të kundraligjshme lidhur me rregjistrimin e pasurisë së paluajtshme me nr.16/8, zona kadastrale nr.8602, me sipërfaqe 1.663 metra katrore, të ndodhur në zonën e Ujit të Ftohtë, si dhe lidhur me azhornimin e hartës treguese për këtë pasuri, të rregjistruar fillimisht në bashkëpronësi të trashëgimtarëve të familjes Ndini, pasi në hartën treguese të ZRRPP është përfshirë në përbërje të kësaj pasurie sipërfaqja ujore e detit në masën 364.6 metra katrorë.

Po ashtu, ka dyshime se janë kryer veprime dhe mosveprime në kundërshtim me ligjin lidhur me zbatimin e lejes së ndërtimit të miratuar në favor të subjektit ndërtues ?G.B. A-Konstruksion? sh.p.k, pasi sipërfaqja e bazës së objektit të ndërtuar ka qënë më e madhe se sipërfaqja e njollës së ndërtimit të miratuar.

Sipas prokurorisë, shkelje janë evidentuar edhe me rregjistrimin e objektit të ndërtuar në ZRRPP-në e Vlorës, pasi është rregjistruar objekti dhe të gjitha njësitë përbërëse të objektit të ndërtuar, për të cilin nuk është lëshuar ?leja e përdorimit? nga autoriteti përgjegjës i planifikimit, ndërsa nga ana e ekspertëve topografë është kryer vepra penale e ?ekspertimit të rremë?, por meqenëse fakti ka ndodhur në 1996, ndjekja penale nuk mund të vazhdojë për shkak të amnistive dhe të parashkrimit.

Në lidhje me zgjerimin e territorit në drejtim të detit, prokuroria thotë se ushtrimi i kontrollit ka qënë detyrë dhe përgjegjësi e Degës së INUK-ut në Vlorë e për këtë kanë dërguar për gjykim dy shtetasit Zeneli dhe Kalus.

Gazeta Tema