Të gjithë gafat e kavalierit BERLUSCONI

28 Prill 2014, 00:25, Kosova & Bota CNA

?Di që në Itali janë duke xhiruar një film për lager-ët nazistë, do e propozoj për rolin e Kapos?. Korrik 2003, salla e Parlamentit Europian në Strasburg. Silvio Berlusconi i thotë Kapo deputetit Martin Schulz të SPD, ?fajtor? se ka kritikuar ashpër konfliktin e interesit të italianit dhe sulmet e vazhdueshëm ndaj gjyqtarëve. Fjalët e Kavalierit bëjnë xhiron e botës brenda pak orësh, duke shkaktuar një furtunë polemikash. Njëmbëdhjetë vjet më vonë, udhëheqësi italian i rikthehet përplasjes së tij me eurodeputetin gjerman (sot kandidat i të majtës europiane për president të Komisionit Europian) dhe krijon një tjetër cështje, me një tjetër deklaratë tronditëse: ?Për gjermanët, kampet e përqëndrimit nuk kanë ekzistuar asnjëherë?, ka deklaruar ish kyeministri dje në mëngjes në Milano, gjatë prezantimit të kandidatëve të Forza Italia për zgjedhjet europiane.

Gjatë pothuaj njëzetë viteve në politikë, deklarata të ndryshme të Berlusconit kanë shkaktuar shumë diskutime, në gazeta dhe në televizione. Kanë qenë batuta, lapsuse, gafa (?Nga Romolo e Remolo?, tek ?Obama i nxirë?), në mos shkelje të vërteta të protokollit ndërkombëtar (Që nga brirët e samitit spanjoll të Caceres, tek ?qyqja? e Merkelit). Pa numëruar barcaletat e shumta të rrëfyera në raste zyrtarë, e deri tek frazat me dy kuptime drejtuar Angela Brunos në skenën e një manifestimi.

Ja një renditje e thënieve më të kontestuara. Kontestime që gjithmonë udhëheqësi i Forza Italia ia ka kthyer mbrapsht dërguesit, duke e siguruar që ?fjalët e tij janë shtrembëruar nga media dhe janë instrumentalizuar për ta njollosur?.

2001: dy javë pas tragjedisë së kullave binjake në 11 shtator, Berlusconi shkon në samitin e Berlinit dhe shpall me shpatën zhveshur ?superioritetin e qytetërimit tonë ndaj atij islamik?, duke qenë se ata ?kanë mbetur 1400 vjet pas?.

2002: Në samitin e NATO-s të po këtij viti Kavalieri mban një diskutim historik: ?Enea krijoi një dinasti prej ku lindën Romolo dhe Remolo??

2002: Fotografia e rastit e ministrave të jashtëm europianë në Caceres, në Spanjë, në cilësinë e përfaqësuesit të përkohshëm të Farnesinës, Berluskoni bën xhestin e brirëve për të bërë të qeshin një grup bojskautësh të rinj që ndodhej aty në atë moment, zakonisht serioz, të fotografisë zyrtare me të gjithë udhëheqësit që pozonin.

2003: Berluskoni kundër Schulz. Në Parlamentin e Strasburgut, Kavalieri sulmon eurodeputetin socialdemokrat duke e krahasuar me të burgosurit e lager-ëve që bashkëpunonin me nazistët duke shitur të burgosurit e tjerë. ?Në Itali po xhirojnë një film për kampet e përqëndrimit, do ta propozoj për rolin e Kapos?.

2005: Gjatë një serie të ?Ballaro?? në kulmin e fushatës elektorale, ish kryeministri akuzon shkollat e larta se janë ?në duar të të majtës?, po kështu televizionet. I pashmangshëm shqetësimi i ëprgjithshëm.

2008: Sardenjë. Gjatë një konference për shtyp me Vladimir Putinin, presidenti i Forza Italia reagon pas një pyetjeje të një gazetareje drejtuar kryeministrit rus duke bërë me duar sikur qëllon me kallashnikov. I referohet trajtimit që qeveria e Moskës u bën gazetarëve kundërshtarë.

2008: Moskë. Gjatë një konference shtypi me udhëheqësin rus Medvedev, presidenti flet për të sapozgjedhurin Obama me një batutë: ?Eshtë i ri, është i pashëm, është edhe pak i nxirë?.

2008: Trieste. Në samitin italo-gjerman, kryeministri i atëhershëm italian përshëndet Angela Merkelin duke bërë kukunë e qyqes nga prapa një kolone.

2009: Londër. Gjatë samitit të G20-ës Kavalieri kërkon vëmendjen e presidentit të SHBA duke thirrut ?Z. Obama!? Mbretëresha Elisabetë mërzitet dhe komenton: ?Po cfarë ka që bërtet kaq shumë??

2009: Baden Baden (Gjermani). Në samitin europian, udhëheqësi i Popullit të Lirive del nga një makinë ngjyrë blu me celular në vesh dhe vazhdon telefonatën, ndërkohë që të gjithë krerët e qeverive presin të paduruar. Të gjithë fotografët përjetësojnë shprehjen e sikletit dhe padurimit të Angela Merkelit.

2009: Uashington. Berlusconi pritet nga cifti Obama. Ish kryeministri shkakton siklet me një veprim vlerësues ndaj zonjës së parë amerikane, Michelle, duke e parë nga koka tek këmbët.

2009: Në emisionin Porta a Porta, presidenti i atëhershëm i Këshillit zbulon se babai i vëllezërve Cervi, të pushkatuar nga fashistët në poligonin e Reggio Emilias, kishte vdekur tashmë. ?Jam gati të pres babanë Cervi?, premtonte Kavalieri duke debatuar me Fausto Bertinottin. Ky i fundit i shpjegoi që Cervi kishte kohë që kishte vdekur.

2009: Një batutë për desaparecidos e thënë gjatë fushatës elektorale në Sardenjë rrezikon të shkaktojë një zënkë diplomatike mes Italisë dhe Buenos Airesit. Kryeministri i atëhershëm ironizon mbi dramën e disidentëve që hidheshin në det nga avionët: ?Ishin ditë të bukura, i hidhnin nga avionët?? U referohej fluturimeve të vdekjes, përmes të cilëve ushtarakët e diktaturës argjentinase hidhnin në ujërat e Rio de la Plata të burgosurit që ishin ende gjallë dhe të përgjumur.

2010: Romë, takim dypalësh Itali-Spanjë. Në mesin e konferencës së shtypit me Zapateron, Berluskoni i përshëndet të gjithë dhe ikën, duke e lënë vetëm kryeministrin e atëhershëm të Spanjës dhe i lëshon një batutë: ?E përshëndes sic bëhet me një shenjt, sepse ka marrë bekimin e Papës?.

2013: Me rastin e daljes së librit të Bruno Vespës presidenti i Forza Italia krahason ?gjendjen e keqe? të fëmijëve të tij të shkaktuar prej proceseve të të atit me tragjedinë që miliona e miliona hebrenj kanë përjetuar gjatë diktaturës naziste. E tija është një tjetër deklaratë tronditëse: ?Bijtë e mi ndihen si hebrenjtë gjatë nazizmit?. Në mbrëmje, sprapsja: ?Polemikë e instrumentalizuar?.

bota.al